Premier League : Kai Havertz na Bukayo Saka bafashije Arsenal kwitwara neza imbere ya Wolves
Ikipe ya Arsenal imaze kubona intsinzi yayo ya mbere muri shampiyona y’ubwongereza nyuma yo gutsinda ibitego bibiri ku busa ikipe ya Wolvermpton Wonderers bya Bukayo saka na Kai Harvertz ,uyu mukino ukaba wabereye kuri sitade ya Emirates iherereye mu mujyi wa Londres.
Ikipe y’abarashi yari yakiriye uyu mukino kuri sitade yabo ya Emirates ifite ubushobozi bwo kwakira abagera kuri 60,704 bicaye neza , uyu mukino wayobowe n’umusifuzi ukomoka mu gihugu cya Australia witwa Jarred Gillett .
Arsenal itozwa na Mikel Arteta yabanjemo abarimo Raya; White, Saliba, Gabriel, Zinchenko; Odegaard, Partey, Rice; Saka, Havertz, Martinelli. na Gary O’neil utoza ikipe ya Wolves abanzamo umuzamu Jose Sa; Doherty, Mosquera, T. Gomes, Ait-Nouri; Lemina, J. Gomes; Larsen, Cunha, R. Gomes; Hwang.
Ikipe ya Arsenal yatangiye sezo yayo nshya ya Premier League ikina na Wolverhampton Wanderers igamije kureba ko yazamura umyanya wa kabiri yarangirejo muri shampiyona ishize ndetse inafite mu ntego gutwara igikombe.
Ku ruhande rwa Wolves yatandukanye n’umukinnyi ukomeye Pedro Neto ariko uruhande rwa Gary O’Neil rwitwaye neza muri 2023/24 ruza ku mwanya wa 14 nta kibazo kinini bari bafite.
Igitego cya mbere cya ekipe ya Arsenal cyatsinzwe na Kai Harvetz ku mupira yari ahawe na Bukayo Saka ku munota wa makumyabiri na gatanu w’umukino mu gice cya mbere naho ku munota wa mirongo irindwi na kane , Bukayo Saka atsindira iyi ikipe ifanwa n’umukuru w’igihugu w’uRwanda igitego cya Kabiri cyanatanze itsinzi ku mupira yari ahawe na mugenzi we w’umudage Kai Harvetz wanagize umukino umwiza nyuma yo gutsinda igitego akanatanga umupira uvamo igitego.