Amatora muri USA : Kamala Harris na Trump bagiye guhanganira amajwi muri Leta ya Pennsylvania
umukandida w’ishyaka ry’Abarepubulikani, Donald Trump, n’uwishyaka ry’Abademocrate, Kamala Harris, mu mpera z’iki cyumweru barahatanira muri leta ya Pennsylvania ho muri Muri leta zunze ubumwe z’Amerika.
Leta ya Pennsylvania ni imwe muri leta eshatu zikomeye mu byerekeye amatora, hiyongeyeho Wisconsin na Michigan.
 Pennsylvania Ni yo yafashije Trump gutsinda amtora yo mu 2016. Bigeze mu mu 2020, Biden wakuriye mu mujyi wa Scranton wo muri iyi leta yashoboye kuyigarurira bimubera inkingi ikomeye yo kwinjira muri presidansi y’Amerika.
Iyi ni imwe mu zifatwa nk’izisibaniro zishobora guhindura isura y’ibiva mu matora y’umukuru w’igihugu muri Amerika.
Donald Trump kuri uyu wa gatandatu arakoresha mitingi yo kwiyamamaza mu mujyi wa Wilkes-Barre uri mu majyaruguru ya leta ya Pennsylvania naho kuri iki cyumweru Kamala Harris azazenguruka iyo leta muri bisi ahereye mu mujyi wa Pittsburgh mbere y’uko inama rukokoma y’Abademocrate ku rwego rw’igihugu iterana ku wa mbere mu mujyi wa Chicago leta ya Illinois.
Leta ya Pennsylvania ni imwe muri leta eshatu zikomeye mu byerekeye amatora, hiyongeyeho Wisconsin na Michigan.
Muri leta 50 zigize Amerika, izi uko ari eshatu ni zo zonyine zitarigera zitora umukandida ku mwanya wa perezida ngo atsindwe amatora kuva mu mwaka wa 2008.
Mu majwi 270 akenerwa ngo perezida abone itike yo kwinjira muri Prezidansi, Pennsylvania ibarirwa 19, Michigan ikabarirwa 15 naho Wisconsin ikabarirwa 10.
Madamu Harris yari senateri wa leta ya California ufite inkomoko mu Buhinde no muri Jamaica.Yahoze ari umucamanza mukuru wa California.
Madamu Harris w’imyaka 55, mu kwezi kwa cumi na kabiri mu mwaka ushize yavuye mu byo gushaka kwiyamamariza kuba perezida, nyuma yo kunanirwa gutsindira kuba umukandida w’abademokarate.
Mu biganiro mpaka byo mu ntangiriro byo gushaka kuba umukandida perezida mu ishyaka ry’abademokarate, yagiye aterana amagambo na Bwana Biden, cyane cyane nk’aho yamunenze ku gushimagiza umubano w'”ubwubahane” mu kazi Biden yavuze ko yagiranye n’abahoze ari abasenateri bashyigikiraga ivanguramoko.
Uyu wo mu ishyaka ry’abademokarate, yavukiye mu mujyi wa Oakland muri leta ya California, ku babyeyi b’abimukira: nyina wavukiye mu Buhinde na se wavukiye muri Jamaica.
Yaje kwiga kuri Kaminuza ya Howard, imwe mu zikomeye mu gihugu zifite amateka yo kwigwamwo n’abirabura. Yavuze ko igihe yahamaze kiri mu byamwigishije cyane mu buzima bwe.
Madamu Harris avuga ko iteka yamye anyurwa no kuba uwo ari we kandi avuga ko yibona gusa nk'”Umunyamerika”.
Mu mwaka ushize wa 2019, yabwiye ikinyamakuru the Washington Post ko abanyapolitike badakwiye kumva ko bagomba kwishyira mu ruhande runaka kubera ibara ry’uruhu rwabo cyangwa inkomoko yabo.
Icyo gihe yagize ati: “Icyo mvuga ni iki: Ndi uwo ndi we. Nyurwa n’ibyo. Ushobora gushaka kubitahura, ariko ntacyo bintwaye”.