UCL : Nyuma yo kugarikwa na liverpool ikajya ahabi ; ese ibya Real Madrid bibazwe nde ?
🛑LIVE: Liverpool vs Real Madrid – UEFA Champions League🛑
- UMUKINO URARANGIYE : LIVERPOOL
2 – 0
Real Madrid CF
Liverpool ; Mu kanya gashize ku kibuga Anifield giherereye mu Bwongereza, ikipe ya Real Madrid imaze gutsindwa na Liverpool ibitego bibiri ku busa by’umunya – Argentine Alexis MacAllister ndetse n’umuholandi Cody Gakpo Mathès bituma ikomeza kuba habi ku rutonde rwa Champions League yahinduriwe isura .
Amakuru yavugwaga ku mpande zombi mbere y’umukino
Uyu ni umukino utarimo amwe mu mazina asanzwe afatwa nk’inyenyeri muri Real Madrid arimo Vinícius José Paixão de Oliveira Júnior, utari wanakoze urugendo rujya i Liverpool kubera ikibazo cy’imvune yari yagize.
Si Vinícius José Paixão de Oliveira Júnior wenyine utabonetse gusa kuko nubundi abandi bakinnyi barimo Dani Carvajal, Eder Militao, David Alaba, Aurelien Tchouameni na Rodrygo nabo ntibahari .
Kuri liverpool nayo ntiyari ifite uwitwa Trent Alexander-Arnold nyuma yimvune yagiriye mu mukino wahuje iyi ikipe na Aston Villa muri shampiyona ku i tariki ya 9 Ugushyingo , uyu nawe yiyongereye ku rutonde rugari rw’abarimo Kostas Tsimikas , Alisson Becker, Federico Chiesa na Diogo Jota bafite ikibazo cy’imvune.
Amateka yagaragazaga iki mbere yuko aya makipe atana mu mitwe ?
Iyi ni umikino wa 12 wahuzaga ibi bihangange mu mateka aho muri iyi mikino yose Madrid yari yatsinzemo inshuro zirindwi naho Liverpool yo itsindamo inshuro eshatu.
Intsinzi ya nyuma ya Liverpool yabaye mu 2009 ubwo yatsindaga aba banyesipanyoli ibitego 4-0 kuri Anfield kugirango igere muri kimwe cya kane cya Champions League ndetse kuva icyo gihe, Real yatsinze inshuro indwi mu mukino umunani yabahuje.
Impande zombi zari zihagaze zite mbere yuko zihura ?
Real Madrid yari imaze gutsinda imikino ibiri yaherukaga muri Laliga gusa idahagaze neza muri Champions League Kuko yari yatsinzwe na AC Milan ku munsi wa kane wa Champions League, mugihe intsinzi ikomeye yabo baherukaga mbere yuwo mukino yari iy’ibitego 5 kuri 2 batsinze ikipe ya Borussia Dortmund mu rugo.
Ikipe ya Liverpool ntabwo yagiye gukina uyu mukino itamenyereye ibyo gutsindwa ukabura amanota atatu imbumbe uko bisa kuko mu mikino 14 yari imaze gukina mu marushanwa yose yatsinzemo 13 muriyo, kurundi ruhande kuva uyu mwaka w’imikino watangira iyi kipe yatunguwe na Nottingham Forest muri Premier League iyitsinda igitego kimwe kitishyurwa mu rugo.
Ku cyumweru, Real yatsinze ibitego 3-0 ikipe ya Leganes muri LaLiga ,Kylian Mbappe, Federico Valverde na Jude Bellingham nibo bari batsinze ibi bitego bakomeza kotsa igitutu Barcelona, iza ku mwanya wa mbere muri shampiyona ya Espagne.Mu gihe kandi ku munsi wo ku cyumweru ushize, kandi Liverpool yatsinze Southampton ibitego 3-2 muri Premier League.
Abakinnyi cumi n’umwe babanjemo ku mpande zombi .
Liverpool itozwa n’umuholandi Arne Slot yari yakoresheje uburyo bw’imikinire bwa 4-3-3 maze ibanzamo abarimo Caoimhin Kelleher (umunyezamu), Conor Bradley, Ibrahima Konate, Virgil van Dijk (capitaine), Andrew Robertson , Curtis Jones, Ryan Gravenberch, Alexis Mac Allister , Mohamed Salah Hamed Mahrous Ghaly, Darwin Gabriel Núñez Ribeiro na Luis Fernando Díaz Marulanda .
Los Blancos [Real Madrid] yo yagiye muri uyu mukino utoroshye nta bakinnyi babo bakomeye ifite nka Vinicius Jr, Carvajal, Militao, Alaba, Tchouameni na Rodrygo Goes.
Rero umutaliyani Carlo Anceloti utoza Real Madrid yari yahisemo uburyo bw’imikinire bwa 4-3-3 nawe maze agirira icyizere abarimo: Thibault Courtois (umunyezamu), Federico Valverde, Raul Asencio, Antonio Rudiger, Ferland Mendy, Luka Modric (capitaine), Eduardo Camavinga, Jude Bellingham, Arda Guler, Kylian Mbappe na Brahim Abdelkader Díaz .
INDI NKURU WASOMA BIFITANYE ISANO : Ben Chilwell wa Chelsea nyuma yo kudakoreshwa na Maresca ashobora kwereza muri Juventus
Incamake yuko umukino wagenze .
Igitego cya Liverpool cya mbere cyabonetse ku munota wa 58′ ubwo uwitwa Conor Bradely yahaga umupira mwiza uwitwa Alexis MacAllister agahita awutereka mu izamu gusa bitihise umufaransa Kyilian Mbappe yaje gukurirwamo penaliti asa nkaho anasuzuguwe n’umunya – Irelande witwa Caoimhín Odhrán Kelleher wari uri mu izamu rya Liverpool .
Byasabye iminota igera ku munani gusa kugirango ku munota wa 70′ umunya- Misiri Mohammed Salah nawe ngo yamurure penaliti yari imukoreweho nubwo imisambi [ Liverpool] yahise ishumbushwa neza cyane n’umuholandi Cody Gakpo Mathès wari uhawe umupira mwiza n’umunya – Ecosse witwa Andry Robertson ku munota wa 76′ w’umukino ahita aterekamo igitego cya kabiri Sitade yose yarimo abagera 61,276 bicaye neza bose binaga mu kirere.
Ni iki cyatangarijwe mu itangazamakuru nyuma y’umukino ?
Umunyezamu wa Liverpool Kelleher yaganiriye n’ikinyamakuru TNT ishami ryacyo rya Siporo nyuma y’uyu mukino , aho umunyamakuru wayo yamubajije ibanga yakoresheje kugirango akuremo penaliti ya Mbappe ndetse n’uko abona ahazaza ha ekipe muri rusange , yagize ati : “Ni umusaruro ukomeye kuri twe. Twifuzaga guseruka neza muri iri joro tugashyira mu bikorwa ibyo tumaze iminsi twitoza kandi twari twizeye ko tugomba kubikora. ”
“[Ku bijyanye n’umukino wa Premier League bagomba gucakiranamo na Manchester City ku ya 1 Ukuboza] Ndatekereza ko icyizere ari kinini cyiganje mu bakinnyi bose. Turabizi ko bari kugira umusaruro utari mwiza ariko turateganya kuzahura n’akazi gakomeye ariko icyizere cyo kwitwara neza cyirahari mu ikipe. ”
Incamake y’umukino muri rusange ku ruhande rwa Liverpool yatwaye amanota atatu
- Darwin Gabriel Núñez Ribeiro ku munota wa 13’ yabonye ikarita y’umuhondo .
- Ryan Jiro Gravenberch Ku munota wa17’ yabonye ikarita y’umuhondo.
- Alexis Mac Allister ku munota wa 40’ yabonye ikarita y’umuhondo.
- Alexis Mac Allister ku munota wa 52’ yatsindiye liverpool igitego cya mbere.
- Darwin Gabriel Núñez Ribeiro yasimbujwe Cody Mathès Gakpo ku munota wa 68’
- Mohamed Salah Hamed Mahrous Ghaly ku munota wa 70’ arata Penaliti .
-
- Cody Mathès Gakpo ku munota 76’ atsindira ikipe ya liverpool igitego cya kabiri.
- Curtis Julian Jones ku munota wa 83’ asimbuzwa Dominik Szoboszlai .
- Conor Bradley ku munota wa 87’ asimbuzwa mwenyewe Joseph Dave Gomez
