Uburasirazuba bwo hagati : Iran iri gutegura ibitero byo guhorera iyicwa ry’umuyobozi wa Hamas
Ku munsi w’ejo , mu mujyi wa Jeddah wo muri Arabiya Sawudite, Umuryango w’ubufatanye bwa kisilamu (OIC), ugizwe itsinda ry’ibihugu 57, wakoze inama yihutirwa muri Irani isaba kuganira ku iyicwa ry’umuyobozi wa politiki wa Hamas, Ismail Haniyeh mu mujyi wa Tehran icyumweru gishize.
Iri huriro rifatwa nkaho ryari amahirwe akomeye kuri Irani ndetse n’umuyobozi w’ikirenga wa Iran Ayatollah Khamenei akaba yararahiriye kuzahorera kuba abanya -iran k’ubwo bwicanyi , Irani na Hamas bombi bavuga ko ubwo bwicanyi bwo ku ya 31 Nyakanga bwakozwe na Isiraheli, nubwo butigeze butangwaho ibisobanuro ariko bikekwa ko ari Israel ibyihishe inyuma.
Minisitiri w’ububanyi n’amahanga w’agateganyo wa Irani, Baqeri Ali Bagheri Kani, yavuze ko igihugu cye nta ayandi mahitamo gifite usibye gusubiza iki gitero kandi ko ibyo bizabera mu gihe gikwiye kandi mu buryo bukwiye.Uyu muyobozi Kandi yavuze ko imyifatire ya Irani ishobora kuba ari atari ukurengera ubusugire bwayo gusa ndetse n’umutekano w’iki gihugu gusa ahubwo ko ari no kurinda umutekano w’akarere kose k’uburasirazuba bwo hagati.
Haniyeh yiciwe mu nzu y’abashyitsi irinzwe cyane n’ingabo z’abasirikare barinda abayobozi bakuru b’impinduramatwara ya kisilamu (IRGC) ndtse n’ingabo z’indashyikirwa za Irani, ubwo yasuraga Tehran mu muhango wo kurahiza rya Perezida mushya w’iki gihugu witwa Masoud Pezeshkian.
Mu bihe byashize, Hezbollah yihoreye ku iyicwa ry’abayobozi bayo bakuru barasa ibisasu bya roketi muri Isiraheli ,Hezbollah ni itsinda rikuru mu cyiswe Axis of Resistance, umuryango ushyigikiwe na Irani mu karere kose urimo Abahouthi bo muri Yemeni ndetse n’inyeshyamba zo muri Iraki, nazo zagabye ibitero kuri Isiraheli ndetse n’ibitero by’iburengerazuba kuva mu Kwakira.
Ntibiramenyekana niba Irani n’abayihagarariye bazahuza igisubizo cyabo, nubwo amakuru yatangajwe mu bitangazamakuru byo muri Amerika avuga ko Hezbollah ishobora gukora yigenga, kandi mbere.Kuri iki cyumweru, Gen Michael Kurilla, ukuriye ubuyobozi bukuru bwa Leta zunze ubumwe z’Amerika, yasuye Isiraheli kugira ngo isuzume imyiteguro y’umutekano, kandi biteganijwe ko Amerika izongera kuyobora ingamba zo kurinda Isiraheli mu gihe cy’ibitero cya Irani.
