Kwandura Covid-19 bikiyongeraho n’impungenge zogutsindwa na Donald Trump; Joe Biden arageraniwe!
Perezida wa Leta Zunze Ubumwe Za Amerika yagaragaweho na COVID 19,ubwo yari I Las Vegas mu bikorwa yari akomeje byo Kwiyamamaza mu matora y’Umukuru w’igihugu ateganijwe mu kwezi Kwa cumi na kumwe uyu mwaka.
ibintu benshi bemeza ko bishobora kuzagira ingaruka ku matora ateganyijwe ahangayemo na Donald Trump.
Ni mu itangazo ryatanzwe n’umunyamabanga w’ibiro by’umukuru w’igihugu cya Amerika Maison Blanche/White House avuga ko umukuru w’igihugu Joe Biden yanduye Covid-19 bikaba ari ku nshuro ya gatatu.
Biden w’imyaka 83 yapimwe Covid-19 kuri uyu wa gatatu tariki 17 Nyakanga 2024 ubwo yari agiye mu bikorwa byo kwiyamamaza i Las Vegas Umuganga ukurikirana umukuru w’igihugu Kevin O’Connor yavuze ko Biden yerekanye ibimenyetso byo kudahumeka neza , ibicurane n’inkorora, nyuma aza gusangwamo indwara ya Covid-19.
Ibi byateye Perezida Joe Biden kutavuga imbwirwaruhame yariyateguriye ibyo bikorwa kandi biha benshi biganjemo abari bamaze iminsi bamusaba guhagarika kwiyamamariza indi manda nshya nka peresida wa Amerika urwitwazo.
Abanyapolitike batandukanye bakomeje kumusaba kuva mu guhatanira indi manda harimo Adam Schiff, umuyobozi w’inteko ishinga amategeko ya California avuga ko ibyabaye kuri Perezida Joe Biden byamuteye gukemanga ubushobozi bwe mu guhangama na Donald Trump.
Yakomeje avuga ko perezida Joe yafashije byinshi igihugu kandi ko byaba byiza akomeje iyo shusho nziza maze akarekera ubuyobozi abandi bagakomereza aho agejeje.
Abanyapolitike barimo Schumer na Jeffries baherutse kubonana na Biden mu mwiherero bamutangarije impungenge bahuriyeho n’abandi ko aramutse abaye umukandida wabo bashobora kugira amahirwe make yo gutsinda nk’uko tubikesha ibinyamakuru ABC News, Washington Post na Politico.
Perezida Biden we yavuze ko azava mu guhatanira umwanya w’Umukuru w’Igihugu igihe abaganga be bazamubwirira ko bishobora guhungabanya ubuzima bwe.
