CAF Champions League : TP Mazembe na Young Africans zarasezerewe
Ku munsi wejo ku wa Gatandatu tariki ya 19 / Mutarama / 2025 , Ikipe ya TP Mazembe yo mu gihugu cya Repubulika iharanira Demokarasi ya Kongo yabonye intsinzi yayo yambere muri CAF Champions League nyuma yo kunyagira AL Hilal SC ibitego bine ku busa .
Uyu wari umukino wabereye kuri sitade mpuzamahanga ya TP Mazembe iherereye i Lubumbashi wari umukino w’umunsi wa gatandatu ukaba n’umunsi wa nyuma w’imikino yo mu matsinda muri iri rushanwa rya Caf Champions League .
Nyuma yo gusoma neza cyane ishusho ndetse n’imigendekere y’umukino [Game Physiognomy] , abasore b’ikipe ya TP Mazembe batozwa na Lamine Ndiaye batsinze iyi ikipe ya Al Hilal bayirusha ndetse mu minota mirongo ine n’itanu batsindamo ibitego bibiri ndetse ibyo banabigenza gutyo mu minota yakurikiyeho .
Mu gice cya mbere cy’umukino ,abarimo Jean Diouf na Ibrahima Keita bateretsemo ibitego bibiri bya TP mazembe , icya mbere cyabonetse ku munota wa 21′ w’umukino mu gihe icya kabiri cyabonetse ku munota wa 29′.
Mu gice cya mbere , uwitwa Merceil Ngimbi yateretsemo igitego cya kabiri ku munota wa 58′ w’umukino mbere yuko Suleiman Shaibu aterekamo igitego cy’agashyinguracumu ku munota wa 89′ kuri penaliti .
Nubwo TP Mazembe yitwaye neza inyagira iyi kipe inatozwa n’umukongomani witwa Florent Ibenge ,gusa ntago iyi ikipe y’i Lubambashi yitwaye nabi cyane muri iri rushanwa kuko iserewe muri iyi mikino y’amatsinda ya CAF Champions League ibonyemo intsinzi 1 , itsindwa inshuro eshatu ndetse inanganyamo inshuro ebyiri .
kuri wejo kandi , ikipe ya Young African yo mu gihugu cya Tanzania yari irimo igwa miswi n’ikipe ya USM Algier 0 -0 ku kibuga cyayo cyitiriwe Benjamin Mkapa giherereye mu mujyi wa Dar – es – Salaam .
itsinda rya mbere [ A ] ryarangiye bihagaze gutya .
| Umwanya | Ikipe | Igihugu ikomokamo | Amanota yagize |
| 1 | Al Hilal Sc | Misiri | 10 |
| 2 | USM Alger | Algeria | 9 |
| 3 | Young Africans | Tanzania | 8 |
| 4. | TP Mazembe | Repubulika Iharanira Demokarasi ya Kongo | 5 |
 ! ICYITONDERWA : Amakipe abiri ya mbere niyo yazamutse muri kimwe cya kane cyirangiza cya CAF CHAMPIONS LEAGUE .