Bigoranye Lewandowski yatumye Barcelona yikura imbere y’ikipe ya Valencia
Ikipe ya fc Barcelona yaraye ibonye itsinzi yayo ya mbere muri shampiyona ya esipanye nyuma yo gutsinda ikipe ya Valencia ibitego bibiri ku busa ,byose byatsinzwe na Robert Lewandowski .
uyu wari umukino wa mbere wa Flick wahawe inshingano zo gutoza iyi ikipe nyuma yo gusimbuzwa uwahoze ari umukinnyi ukomeye wayo Xavi Hernández mu mpera za shampiyona ishize.
Robert Lewandowski yatsinze igitego bitinze mu gice cya mbere ndetse no mu ntangiriro z’igice cya kabiri bituma Barcelona itangirana intsinzi hamwe n’umutoza wayo mushya Hansi Flick muri shampiyona ya Espagne izwi nka Laliga.
Flick nyuma y’umukino yagize ati: “Byari ngombwa cyane gutangirana intsinzi.” Ati: “Twakoze amakosa amwe mu gice cya mbere ariko twagiye tugererageza kuyakosora mu gice cya kabiri.”
Valencia yafunguye amazamu n’umutwe wa Hugo Duro ku munota wa 44, ariko Barcelona iza kwishura iyi ikipe ku gitego cya Lewandowski mu gice cya mbere ,Flick yagize ati: “Igitego cyo mu mpera z’igice cya mbere cyari ingenzi cyane.”gusa ariko hagati aho igitego cya Duro cyabanje kwangwa kubera gusangwa yarariye, nyuma y’isuzuma rya videwo.
Lewandowski w’imyaka 35 y’amavuko yahaye Barcelona igitego cy’itsinzi kuri penaliti ku munota wa 49 nyuma yuko Raphinha yari akoreweho ikosa mu urubuga rw’amahina.
ibitego byatsinzwe na Lewandowski byasize iyi ekipe y’i Katalonya itsinze Valencia ibitego 2 kuri 1 mu mukino wayo wa shampiyona wabaye ejo ku wa gatandatu.
“Intego yanjye ni ugutsinda ibitego. Ni ngombwa gutangira shampiyona nk’iyi kugira ngo iduhe icyizere kurushaho ”, Lewandowski aganira n’itangazamakuru nyuma yo kwitwara.
Flick yakoresheje abakinnyi benshi bagiye baturuka mu ishuri ry’urubyiruko rya La Masia rizwi cyane muri Barcelona, barimo Gerard Martín na Marc Bernal w’imyaka 17. Bombi bakinnye imikino yabo ya mbere.
Myugariro wa Barcelona, Alejandro Balde, yagombaga gusimburwa mu gice cya kabiri kubera imvune yagaragaye ,gusa Barcelona, iracyafite ibibazo byamafaranga, yarangije umwanya wa kabiri muri shampiyona ishize, amanota 10 inyuma ya nyampinga Real Madrid.
Kuri iki cyumweru, Madrid iratangira shampiyona nayo besurana na Mallorca.