Aurelien Tchouameni wa Real Madrid yavunitse mbere y’umukino wa Las Palmas
Ikipe ya Real Madrid yavunikishije umukinnyi wayo Aurelien Tchouameni mbere gato y’itangira ry’umukino bakina na Las Palmas.
Mu mukino iyi kipe iri bwakiremo Las Palmas, ku kibuga Santiago Bernabeu,biteganyijwe ko iramutse ibonye intsinzi yahita iyobora urutonde rw’agateganyo rwa shampiyona.
Bisa nk’ibyatunguranye kuko byagaragaye ko umutoza Carlo Ancelotti, we na bagenzi be batunguwe n’amakuru yatangajwe ku mbuga nkoranyambaga za Real Madrid, atangaza ko umukinnyi wayo wo hagati yavunitse igihe kirekire.
Ikipe ya Real Madrid yirinze kugira icyo itangaza kirenze kuri aya makuru ndetse ibinyamakuru byinshi bikomeje kwibaza ku cyaba cyateye iyi mvune gusa kurundi ruhande Real Madrid yo ivuga ko uyu mugabo yagize ikibazo mu kagaru k’ibumoso.
Tchouameni ukomoka mu gihugu cy’Ubufaransa aherutse kugaragara mu mukino iyi kipe yakinnye n’iya Celta Vigo, mu cyumweru hagati ndetse birashoboka cyane ko iyi mvune yaturutse ku kuba yarakinnye iminota myishi dore ko bakinnye iminota 120 muri uwo mukino.
Si ubwa mbere uyu mugabo w’imyaka 24, ahuye n’ikibazo nk’iki kuko nta gihe kinini cyari gishize avuye mu mvune igihe kingana n’ukwezi kose.
Birashoboka cyane ko tutari bugire amahirwe yo kumenya amakuru yisumbuyeho kuri iyi mvune mbere y’uko umukino wa Celta Vigo urangira, gusa ikiza gihari nuko ikipe ya Real Madrid, yabimenyeshejwe kare bikaba bitari buyigore kubona uwo imusimbuza mu ikipe ibanzamo.
