Arsenal y’abagore yabimburiye iy’abagabo ikuramo Real Madrid muri Champions league
Mu ijoro rya cyeye ikipe ya Arsenal mu bagore yakuyemo iya Real Madrid muri kimwe cya Kane cy’imikino ya UEFA Women’s Champions League 2024-2025, ni mu gihe dutegereje umukino w’ishiraniro mu bagabo n’ubundi uzahuza Aya makipe yombi.
Ikipe ya Arsenal yakuyemo Real Madrid mu buryo bw’igitangaza kuko umukino ubanza wabereye Estadio Alfredo Di Stefano (Ikibuga Real Madrid y’abagore yakiriraho) , Real Madrid yari yaratsinze Arsenal ibitego bibiri ku busa bisobanuye ko Emirates basabwaga gutsinda hejuru y’icyinyuranyo cy’ibitego bitatu kuzamura ku girango ibashe gukomeza.
Arsenal yaje kubigeraho isezerera Real Madrid nyuma yo kuyitsinda ibitego bitatu ku busa(3-0), Alessia Russo yatsinzemo bibiri wenyine ku munota wa 46′ na 59′ mu gihe ikindi cyatsinzwe na Mariona Caldentey ku wa 49′ batanga ubutumwa kuri basaza babo bafitanye umukino nabo na Real Madrid muri kimwe cya Kane cya UEFA Champions League.
UEFA Champions League iraza Kandi gukomeza hakinwa imikino ya kimwe cya Kane kirangiza, Barcelona yatsinze ibitego bine kuri kimwe(4-1) mu mukino ubanza iraza kwakira Wolfsburg yo mu Budage, mu gihe Chelsea yatsinzwe na Manchester City bibiri ku busa(2-0) , iza kwakira iyi kipe ireba uko nayo yabyishyura ikanarenzaho.
Arsenal ifite urugamba rukomeye rwo gukuramo Lyon yo mu Bufaransa muri kimwe cya Kabiri kugirango igera ku mukino w’anyuma, mu gihe iza kurokoka hagati ya Barcelona na Wolfsburg igomba gukina n’iyavuye hagati ya Chelsea na Manchester City.
IYI NKURU UYAKIRIYE UTE?