Ituri: 3 bapfuye kandi abantu bagera ku icumi bafashwe bugwate mu gitero cy’inyeshyamba za ADF i Bahaha
Abasivili bagera kuri batatu bapfiriye mu bikorwa byo gutwika amazu menshi ndetse no gushumuta abantu icumi bivugwa ko byakozwe n’inyeshyamba za ADF zirwanya ubutegetsi buriho bwa Uganda mu gace ka Bahaha ko muri Ituri .
Amakuru aturuka mu gace ka Bahaha (Ituri) yatangaje ko ku wa mbere Kanama 25, hapfuye abasivili batatu,nyuma yo gutwika amazu menshi ndetse n’ishimutwa ry’abantu bagera ku icumi bivugwa ko byakozwe n’inyeshyamba za ADF.
Aka gace gaherereye nko mu birometero 45 mu majyaruguru y’uburengerazuba bw’ikigo cya Mambasa, mu ntara ya Ituri.Nk’uko amakuru aturuka muri ako gace abitangaza, izo nyeshyamba nazo zatwitse moto kandi zisahura ikigo nderabuzima cya Bahaha, bituma abarwayi bahunga kandi abandi abaturage batari bake barimurwa.
Abaturage batuye muri ako gace bavuga ko mu rukerera rwo ku wa mbere ushize ari bwo izi nyeshyamba zagabye iki gitero bambaye amashami y’imyumbati ku mutwe mu rwego rwo kwiyoberanya, binjiye mu mujyi wa Bahaha, mu gihe abaturage batuye bari basinziriye dore ko byari ni njoro.
Izi nyeshyamba za ADF, zarashe amasasu impande zose ndetse zitangira no gukanga abaturage bo muri iki cyaro ari nako nabo bakura imishwaro bakiza amagara yabo.
Izi nyeshyamba n’uburakari bwinshi, zahise zitwika amazu menshi yubatswe ahanini n’ibyatsi mbere yo kwerekeza ku kigo nderabuzima cya Bahaha, aho basahuye imiti ,bagatwika moto zigera ku icumi, inyubako y’itorero ry’abaporotesitanti ndetse no ku nyubako y’ubuzima nshya yavuguruwe iherereye muri aka gace .Kuri ubu abatangabuhamya bavuga ko iki kibazo cyateje abantu benshi kwimurwa.