Paper Talk[Rwanda&Africa]: Mu Rwanda hagiye gukoreshwa VAR, Azam izakina na APR FC yabonye undi musada ukomeye!
Ikipe ya Azam FC yo mu gihugu cya Tanzani yabonye izindi mbaraga nshya mu gice cy’abatoza aho yabonye umutoza wo ngerera imbaraga abakinnyi(fitness coach) akaba ari Murshid Ally Kika.(#MickyJr)
Ikipe ya Mamelodi Sundowns yo mu gihugu cya Africa y’Epfo yamaze kongerera amasezerano mashya abakinnyi bayo babiri barimo Themba Zwane (South Africa)   wasinye kugeza muri  2025 mu gihe Teboho Mokoena(South Africa)   we yongereye kugeza muri  2029.(#Afrik-Foot)
Umunya-Africa y’Epfo Percy Tau w’imyaka 30 agiye gutandukana na  Al Ahly FC nyuma y’imyaka itatu ayigezemo dore ko yayigezemo muri 2021, bikavugwa ko Wydad Athletic Club yo muri Morocco y’umutoza Rulani Mokwena ariyo ishobora kumwegukana.(#MickyJr)
Kuri uyu wa gatandatu taliki 10 Kanama 2024  inteko rusange isanzwe y’abanyamuryango ba AS Kigali yateranye aho zimwe mu ngingo zari buganirweho harimo kuzuza komite nyobozi abatowe President: Fabrice Shema Ngoga , Vice-President: Dr Emmanuel ,Rubagumya , Secretary General: Joseph Nshimiye ,Tresurer: Anne-Lise Alida Kankindi.(AS Kigali)
Ishyirahamwe rya Volleyball mu Rwanda (FRVB), ryemeje ko mu mwaka utaha w’imikino rizatangira gukoresha uburyo bw’amashusho afasha abasifuzi gufata ibyemezo bitandukanye azwi nka VAR(video assistant referee).(#Igihe)
Ikipe ya Police FC yegukanye igikombe kiruta ibindi mu Rwanda (FERWAFA Super Cup 2024), nyuma yo gutsindira APR FC kuri Kigali Pelé Stadium kuri penaliti 6-5 mu mukino wahabereye kuri uyu wa Gatandatu tariki 10 Kanama 2024.(Kigali To Day)
Umutoza Mukuru wa Sunrise FC, Jackson Mayanja, ari gutoranya abakinnyi 14 azifashisha muri Shampiyona y’Icyiciro cya Kabiri, aho yifuza kuzamura abashya bakiri bato binyuze mu kubaha amahirwe yo gukinira iyi kipe isanzwe iterwa inkunga n’uturere twa Nyagatare na Gatsibo.(#Igihe)
Kuri uyu w’agatandatu taliki ya 10 Kanama 2024 abanyamuryango ba Rwanda Premier League bagera kuri 16 bateranye baganira ku ngingo zitandukanya harimo uko amakipe ahagaze n’imyiteguro ya Shampiyona hareberwa hamwe uko ireme ryayo ryazamurwa no kurushaho kureshya abafatanyabikorwa bashora mu mupira w’amaguru.(# Rwanda Premier League)
Habuze gato ngo myugariro mpuzamahanga w’umunyarwanda uheruka gusinyira AEL Limassol yo muri Cyrus, Imanishimwe Emmanuel Mangwende atayerekezamo kubera kubura ibyangombwa.(#Isimbi)
Nyuma y’umwaka itangije ikipe y’abagabo kandi ifite imbara , Kepler yashyizeho n’ikipe ya volleyball y’Abagore yitegura gutangirana n’imikino ya Shampiyona ya 2024/25 aho biteganyijwe ko igomba gutangirana imbaraga nayo.(#Igihe)
Basketball: Ikipe y’Igihugu y’Abagore yatsinzwe umukino wa mbere, ikipe y’Igihugu y’Abagore muri Basketball yatsinzwe n’iya Mali amanota 90-87 mu mukino wa mbere wa gicuti, aho iri kwitegura amajonjora y’Igikombe cy’Isi.(#Umuryango)
Nshuti Dominique Savio wahoze ari kapiteni wa Police FC, yasezeranye imbere y’amategeko n’umukunzi we Umutesi Tracy Tricia bamaze imyaka irenga irindwi bakundana, ni umuhango wabaye kuri uyu wa gatandatu taliki ya 10 Kanama 2024.(#Igihe)