CAF Champions League irarimbanyije: Yanga Africans yatangiye yandagarizwa mu rugo
Kuri uyu wa gatatu , tariki ya 27/Ugushyingo , Imikino yo ku rwego rw’umugabane ihuza amakipe yitwaye neza iwayo muri Afurika yaraye itangiye ndetse hagaragaramo gutungurana ku mpande zitandukanye.
Muri iyi nkuru ikinyamakuru Daily–box kiragaruka ku musaruro wabonetse mu mikino umunani yakinwe mu irushanwa rya (CAF champions league) ndetse iranyuzamo ikubwire no ku mikino imwe n’imwe yabaye harimo n’iteganyijwe mu irushanwa rya (CAF confederations cup) dore ko ari amarushanwa abiri aba mu minsi ikurikiranye.
Nyuma y’aho impuzamashyirahamwe irebera umupira w’amaguru muri Afurika (CAF) ikoreye amavugurura mu mikino ya Afurika, ndetse igashyiraho n’amabwiriza ajyana n’ibihano bikakaye, mu ijoro ryakeye nibwo amaso menshi yari ahanze imikino ya mbere ikinwa kuva izo mpinduka zibaye.
Abenshi batunguwe n’amakipe amwe n’amwe nk’aho Al Hilal yo muri Sudani yasanze Yanga Africans iwayo muri Tanzania, maze ikayitsindirayo idakozemo, ntiwakwibagirwa kandi ko mu majyaruguru y’Afurika, ubwo ni ukuvuga mu misozi ya Atlas, mu gihugu cya Maroc, bo bakinaga umukino w’ishiraniro wahuzaga abakeba babiri FAR Rabat yari yakiriwe na Raja Casablanca umukino warangiye aba i Rabat babyinira ku rukoma.
Umunsi wa mbere wa mbere wasigiye amatsiko menshi abakunzi b’umupira w’amaguru aho inyota ari nyinshi mbere y’igaruka ry’iyi mikino itegerejwe nyuma y’ibyumweru bibiri.
Si muri Champions league, bakinaga gusa kuko na murumuna wayo (Confederations cup) yakinwaga ndetse ho hari n’imikino myinshi iteganyijwe uyu munsi.
Ku ikubitiro iyabimburiye izindi zose n’ikipe ya Simba yakiraga FC Bravos do Maquis yo mu gihugu cya Angola, maze iyi tsinda igitego kimwe mu mukino wayigoye cyane dore ko Bravos do Maquis yahushije penaliti mu minota ibanza y’igice cya kabiri,gusa ibyo byose ntibyabujije ikipe ya Simba kuba iyoboye urutonde rw’itsinda A, mu gihe igitegereje umukino uza guhuza CS Sfaxien yo muri Tunisia na CS Constantine yo mu gihugu cya Algeria.
Biteganyijwe ko haza gukinwa indi mikino 7 iza isanga uwo ikipe ya Simba yatsinzemo Bravos de Maquis, maze imikino 8 y’umunsi wa mbere w’amatsinda ya (confederations cup) ishyirweho akadomo.
Uko imikino ya (CAF confederations cup) iteganyijwe
(CAF champions league):
Uko imikino itandukanye yaraye irangiye
Mu itsinda rya A,rwabuze gica hagati y’ikipe ya TP Mazembe yakiraga MC Algiers maze umukino urangira banganya 0-0, mu wundi mukino wahuzaga Al Hilal na Yanga Africans warangiye ari 2-0 i Dar es Salaam mu nyungu z’Abanya- Sudani.
