Ahazaza ha Mohammed Salah muri liverpool hakomeje kuba agatereranzamba !
umunya – Misiri witwa Mohamed Salah usanzwe watakira ikipe ya Liverpool ashobora kwisanga mu bihe bimugoye ku hazaza he muri Gicurasi /2025 ubwo azaba ashoje amasezerano ye muri iyi kipe nyuma yuko atangaje ko kugeza ubu atigeze aganirizwa n’ubuyobozi bw’iyi ikipe ku kijyanye no kongererwa amasezerano .
Uyu mukinyi wimyaka 32 yateye ubwoba isi n’abafana ba Liverpool muri rusange ku cyumeru ubwo yari amaze gufasha iyi ikipe gutsinda ibitego 3 kuri 2 ikipe ya southampton aho yerekanye ko nta biganiro byigeze biba hagati ye n’ubuyobozi bwa Liverpool bigamije kongera amasezerano kandi bigaragara ko uyu munya – Misiri ari gusatira umusozo w’amasezerano ye.
Salah ni umwe mu bakinnyi beza ba Liverpool kandi magingo ni umwe mu bamaze kwitara neza muri Premier League kuko kugeza ubu muri iyi shampiyona yatsinze ibitego 10 mu mikino 12 amaze gukina ndetse byagaragaye ko ari kimwe mu by’ingenzi wavyga ko bimaze kugeza iyi kipe ku mwanya wa mbere wa shampiyona.
Gusa ariko, ibi bihe byiza byose bishobora guhita bihindura isura vuba aha bijyanye nuko uwitwa Mohamed Salah yakomeje guca amarenga yuko ashobora kutazongera amasezerano ndetse ko binashoboka cyane ko yakereza mu makipe arimo ikipe ya Barcelona na PSG zakunze kugaragaza ko zifuza gusinyisha uyu musore mu gihe liverpool yakomeza gutsimbarara ku kwinumira .
Umunyamakuru witwa Jamie Carragher wahoze ukinira ikipe ya Liverpool ndetse bakaba baranageranye ku mukino wa nyuma wa champions League ubwo bahuraga na AC milan muri 2005 we yamaganye cyane ibyo yise kwishakira amasezerano kwa Salah abicishije ku banyamakuru ndetse anongeraho ko ari ‘ukwikunda gukabije’ ndetse akarutisha ikipe inyungu ze bwite.
Ikinyamakuru Dail Mail cyandikirwa mu gihugu cy’Ubwongereza ubwo cyasesenguraga aho Salah ashobora kurangira yerekeje mu gihe ikipe ya Liverpool itamuha andi masezerano cyerekanye ko amahirwe y’uyu musore yaba ari ukwerekeza mu makipe akomeye y’i Burayi harimo juventus , Barcelona na Paris Saint Germain kuko zose zagaragaje zifuza uyu mukinnyi ubwo azaba yamaze kuba yazira ubuntu bizwi nka ‘Free Agent’ bo bagasiragara bahanganye n’ikibazo cyo kumenyera umushahara we nawo usa nkaho uhanitse kuko muri liverpool yafata asaga ibihumbi magana atatu na mirongo itanu by’amapound ku cyumweru .
Indi nkuru wasoma bifitanye isano : Liverpool yagaruye umukinnyi wayo w’ingenzi mbere yo gukina na Real Madrid
Ahandi iki kinyamakuru cyashinze agati cyerekanye ko ari mu Burasirazuba bwo Hagati byumwihariko amakipe abarizwa muri shampiyona ya leta zunze ubumwe z’abarabu no muri Saudi Arabia.
Mu mwaka ushize ubuyobozi bwa Shampiyona yo muri Arabiya Sawudite bwagabanije bifitika amafaranga y’umusoro yatangwaga n’amakipe yazanaga abahoze bakina muri Premier League ndetse n’izindi shampiyona eshanu zikomeye z’iburayi mu rwego rwo kuzamura ihangana muri iyi shampiyona .
Si ubwa mbere haba havuzwe amakuru yerekeza Salah mu barabu kuko nko mu ntangiriro za shampiyona yanyuma ya Jurgen Klopp atoza Liverpool, iyi kipe ya Al-Ittihad yatanze akayabo kuri uyu munyamisiri k’arenga gato miliyoni 200 zama pound, ariko Liverpool ibitera utwatsi.