Kera kabaye umukino wa Rayon Sports na Apr fc wamenyekanye igihe ugomba kuzaberaho !
Urwego rutegura Shampiyona y’icyiciro cya Mbere mu Mupira w’Amaguru (Rwanda Premier League) rumaze gutangaza ko kuri sitade Amahoro, tariki ya 7 / Ukoboza /2025 ari bwo umukino ubanza uzahuza ikipe ya Rayon Sports na Apr Fc ugomba kuzaba .
Uyu mukino ufatwa nk’uhatse iyindi kubutaka bw’u Rwanda wakunze guterwa ipine inshuro nyinshi bijyanye nuko hagendaga haboneka igisa nk’intambamyi zahitaga zibuza uyu mukino kuba wabera ku gihe wari uteganirijwe kubaho ushingiye ku ngengabihe ya shampiyona y’u Rwanda .
Mbere na mbere , Uyu mukino w’ikirarane cy’Umunsi wa Gatatu wa Shampiyona hagati y’Ikipe ya Rayon Sports na APR FC wari uteganyijwe tariki 14 / Nzeri , gusa bihurirana n’uko muri aya matariki Ikipe ya APR FC yari ifite umukino ubanza wa CAF Champions League yananganyijemo na Pyramids FC igitego 1-1 kuri sitade Amahoro.
Icyo gihe Rwanda Premier League itegura iyi Shampiyona, yahise itangaza ko amatariki mashya y’uyu mukino yimuriwe ku wa 19 Ukwakira 2024 nubwo bitaje kuyikundira .
uyu mukino wongeye kwimurwa nyuma yaho CAF itangarije amatariki mashya y’imikino y’amajonjora yo gushaka itike ya CHAN 2025 izabera mu bihugu byo muri aka Karere.
Iyi mikino yaje gukinwa hagati y’amatariki ya 25-27 Ukwakira 2024, bivuze ko ari igihe kitageze ku cyumweru nyuma y’itariki yari yahawe umukino wa ’Derbie’ bityo bikaba bitari bukunde kuko aya makipe yombi ari muyatanze igice kinini cy’abakinnyi bazakina amajonjora y’iri rushanwa rikinwa n’abakina imbere mu gihugu.
Kuri ubu ikipe ya Rayon Sports nyuma yo gutsinda ibitego 2-0 ikipe ya Gorilla fc mu mpera z’icyumeru gishize yahise yuzuza amanota 23.