Virgil van Dijk yatangaje ku hazaza he muri Liverpool nyuma yuko amasezerano ye agenda agana ku musozo !
Kapiteni wa Liverpool, Virgin van Dijk, yemeje ko ari mu biganiro byo kongera amasezerano ye muri iyi ikipe ndetse, anashima ko Arne Slot yibanze cyane mu gushyira imbaraga mu gice cy’ubwugarizi bwe ndetse iyi afata ibi nk’impamvu yatumye batangira shampiyona neza.
Van Dijk, uzasoza amasezerano ye mu mpeshyi itaha hamwe na Mo Salah na Trent Alexander-Arnold, yirinze gushidikanya kuhazaza he muri iyi ikipe ubwo yaganiraga n’itangazamakuru ndetse atangaza ko ahantu ha mbere yifuza kujya ko ari n’ubundi muri Liverpool.
Van Dijk yanze kugira byinshi atangaza ko ku bijyanye no kongera amasezerano ye kuko bishobora kubangamira mu buryo bw’imitekerereze ya bagenzi be bijyanye nuko iyi ikipe yari mu mwuka mwiza nyuma yuko iyoboye urutonde rwa Premier League rwa agateganyo .
Yagize ati: “Ibiganiro birakomeje hagati y’ubuyobozi bwa liverpool ndetse n’abampagarariye ndetse biri kugenda neza kurushaho ndetse igihe nikigera cyo gufata icyemezo, abantu bose bazabimenya.
“Icyo ejo hazaza hazaza hange hahatse nta gitekerezo mbimfiteho muri iki gihe, gusa ibiganiro byatangiye buriya tuzareba gusa Icyo nibandaho cyane ni Liverpool, nshaka gutsinda imikino iri imbere yanjye ntakindi.”
umutoza Slot yatsinze imikino 10 mu mikino 11 ye ya mbere nk’umusimbura wa Jurgen Klopp mu marushanwa yose naho ku cyumweru yatsinze Chelsea ibitego 2-1 byatumye bakomeza gushyiramo ikinyuranyo cy’amanota atari make imbere ya Manchester City , Ikindi kandi liverpool imaze kwinjizwa ibitego bitatu gusa mu mikino umunani ya shampiyona imaze gukina.