Vinicius junior ntagitwaye Ballon d’or nk’uko byari byitezwe biha amahirwe Rodri
Umunya-Brazil Vinicius junior w’imyaka 24 byavugwaga ko ariwe ugomba kwegukaga Ballon d’or ya 2024 , byatangajwe ko atariwe uri buyegukane, amahirwe menshi akajya kuri Rodri wa Manchester City.
Vinicius Junior w’imyaka 24 yegukanye UEFA Champions League ndetse na shampiyona y’Igihugu ya Esipanye mu mwaka ushize w’imikino gusa ntakintu kigaragara yigeze afasha ikipe ye y’igihugu ya Brazil muri Copa América ya 2024 yegukanwe n’ikipe y’igihugu ya Argentine .
Benshi rero bashingira kuri ibyo bakemeza ko adakwiye igihembo kiruta ibindi cya Ballon d’or ya 2023-2024 igomba gutangirwa mu gihugu cy’Ubufaransa mu nyubako ya Théâtre du Châtelet, I Paris muri uyu mugoroba.
Abandi bagashingira ku buryo bagenzibe bari bitwaye byumwihariko Umunya-Esipanye Rodrigo Hernández Cascante “Rodri” watwaye shampiyona y’igihugu y’Abongereza ndetse n’igikombe cy’Uburayi hamwe na Esipanye batsinze ku mukino w’anyuma ikipe y’igihugu ya Bongereza.
Tunibukiranye ko Rodri yabaye n’umukinnyi mwiza w’irushanwa muri icyo gikombe cy’Uburayi cyabereye mu gihugu cy’Ubudage ndetse ni umwe mu baburaga mu kibuga Manchester City ntirusyeho.
Gusa igiteye urujijo nuko bivugwa ko Real Madrid ndetse na Vinicius Junior bose bari baramaze kumenyeshwa ko aribo bagomba gutahana iki gihembo kiruta ibindi, gihabwa umukinnyi witwaye neza ku isi y’umupira w’amaguru mu mwaka w’imikino runaka.
Ndetse mu bihe bitandukanye wabonaga ko Rodri ntakizere afite ko ariwe wayegukana dore ko ariwe wahabwaga amahirwe inyuma ya Vinicius Junior, kandi mu busanzwe iyo uri butware iki gihembo ubimenyeshwa hakirikare ndetse hagafatwa naza video zizifashishwa mu birori.
Aya makuru yashenguye abi Santiago Bernabéu ku buryo haba Florentino Pérez perezida wa Real Madrid, Vinicius Junior byari biteganyijwe ko yatwara Ballon d’or , Jude Bellingham ndetse na Carlo Ancelotti bosa ntanumwe urahakandagira.