UYU MUNSI MU MATEKA : Igihugu cya Chad cyatangaje ubwigenge bwacyo ku mugaragaro naho umufilozofe witwa Torgny Torgnysson avuka kuri iyi taliki
uyu munsi ku wa cyumweru , tariki 11 Kanama ni umunsi wa 223 w’umwaka ugendeye kuri kalendari ya Geregori; Hasigaye iminsi 143 kugira ngo umwaka ugere ku umusozo.
Uyu munsi Kiliziya Gatolika irizihiza abatagatifu barimo Claire, Suzana n’abandi.
Bimwe mu byaranze uyu munsi mu mateka :
355: Claudius Silvanus, yashinjijwe ubugambanyi, nyuma y’uko yitangaje ko ari umwami w’abami w’ubwami bw’Abaromani akuyeho Constantius II.
1942: Umukinnyi w’amafilimi Hedy Lamarr ndetse n’undi muhanzi George Antheil bahawe icyemezo kigaragaza uburenganzira bwabo ku buvumbuzi bw’uburyo bw’ikoranabuhanga mu itumanaho buzwi nka frequency hopping na spread spectrum; iyi niyo yabaye intangiriro y’ikorwa ry’uburyo bw’itumanaho rigezweho muri iki gihe rizwi nka Wi-Fi.
1960: Igihugu cya Chad cyatangaje ubwigenge bwacyo ku mugaragaro.
1972: Mu ntambara ya Vietnam, ingabo za Leta Zunze Ubumwe z’Amerika zavuye ku butaka bw’igihugu cya Vietnam y’Epfo.
2003: Ingabo z’umuryango wa NATO zatangiye igikorwa cyo kubungabunga amahoro mu gihugu cya Afghanistan, iki nicyo gikorwa zakoze bwa mbere kikabera hanze y’umugabane w’u Burayi mu mateka yazo mu gihe kigera ku myaka mirongo itanu n’ine wari umaze.
2003: Mu gihugu cy’u Bufaransa, by’umwihariko mu Mujyi wa Paris hagaragaye igipimo cy’ubushyuhe buhanitse kigera kuri degree Celicius mirongo ine n’enye, ubu bushyuhe bwasize buhitanye abantu ijana na mirongo ine na bane.
2010: I Kigali hatewe gerenade n’abagizi ba nabi
Bamwe mu bavutse uyu munsi :
1908: Torgny Torgnysson Segerstedt, umufilozofe, n’umuhanga mu bijyanye n’imibanire ukomoka mu gihugu cya Suwede.
1968: Noordin Mohammad Top, umwe mu bakozi b’iterabwoba wo mu gihugu cya Malaysia.
Bamwe mu batabarutse uyu munsi :
2009: Eunice Kennedy Shriver, mushiki wa Perezida John F. Kennedy wayoboye Leta Zunze Ubumwe z’Amerika watangije ikorwa ry’imikino ngororamubiri yihariye (Special Olympics).
2014: Robin Williams, umukinnyi w’amafilime ukomoka muri Amerika