Uwari umuyobozi wa siporo muri Manchester united yakuyemo ake karenge !
DAILY BOX , i MANCHESTER , mu BWONGEREZA
Mu kanya gashize umuyobozi wa siporo wa Manchester United, witwa Dan Ashworth amaze gutangaza ko yavuye ku mirimo ye yakoraga muri iyi ikipe nyuma y’amezi atanu gusa ahawe izi nshingano.
Ashworth yatangiye gukora aka kazi ku mugaragaro muri Manchester United ku ya 1 Nyakanga, nyuma yo kumara amaze amezi atanu mu kiruhuko nyuma yo gutandukana n’ikipe ya Newcastle nayo yari abereye umuyobozi wa siporo mbere yuko asinyira manchester united .
Isohoka rye kuri sitade ya Old Trafford ya United ryashimangiwe mu nama yabaye kuri iki cyumweru nyuma y’uko ku wa gatandatu batsinzwe n’ikipe ya Nottingham Forest ibitego 3 kuri 2, nkuko ibinyamakuru byinshi biri kubitangaza.
Amakuru yo kugenda kwa Dan Ashworth w’imyaka 53 y’amavuko yatangajwe bwa mbere n’ikinyamakuru The Athletic tunakesha iyi nkuru mu masaha ya saa yine yo kuri iki cyumweru .
Ikipe ya Manchester United yo yavuze ko iki cyemezo cyumvikanyweho ku mpande zombi ,ndetse ibicishije ku rukuta rwayo rwa X iyi ikipe ikunzwe n’abatari bake yongeyo iti: “Turashaka gushimira Dan ku bw’umurimo we n’inkunga yatanze mu gihe cy’inzibacyuho muri iyi kipe kandi tumwifuriza ejo hazaza heza .”
INKURU ZASOMWE CYANE
- Fifa yatangaje ibihugu bizakira igikombe cy’isi cyo muri 2030 no muri 2034
- UCL :Ikipe ya Juventus imaze guhuhura Man City
- Pep Guardiola ntayindi kipe azongera gutoza naramuka atandukanye na Man city
- Imigabo n’imigambi ya Brig.Gen.Karuretwa yinjiranye mu nshingano nshya yahawe
- Kigali : Polisi yataye muri yombi abasore bakoraga ubujura biyitirira WASAC
United iri mu bihe bitameze neza kugeza ubu, aho yirukanye umutoza Erik Ten Hag mu Kwakira nyuma yuko yari amaze kubona intsinzi inshuro eshatu gusa mu mikino icyenda yatoje iyi ikipe.
Nyuma ibi , iyi kipe yemeje ko kuvana kuri konti yayo asaga gato miliyoni 10.4 zama pound zo kwishyura Ten Hag n’abakozi be kugirango ahabwe ibyo bari bumvikanye mu masezerano , inongera no kwishyura umusimbura we Ruben Amorim angana na miliyoni 11 zama pound imuvanye muri Sporting Lisbon.
Umunyamigabane muri ikipe witwa Sir Jim Ratcliffe na we yanenzwe n’abafana kubera ko bakuyeho ibyo iyi kipe ivuga ko ari 3% by’amatike asigaye atagurishwa mu mikino ya Shampiyona y’icyiciro cya mbere no gushyiraho igiciro ntarengwa cy’ama pound 66.
Iki cyemezo cyanateje imyigaragambyo y’abafana ikomeye kuri Old Trafford mbere y’umukino w’icyumweru gishize iyi ikipe yatsinzemo Everton ibitego 4- 0.
Raporo za Konti z’iyi ikipe ziheruka kujya ahagaragara, kugeza nibura ku ya 30 Kamena 2024, iyi kipe yatangaje ko yatakaje miliyoni 113.2 zama pound, naho igihombo cyose mu myaka itanu ishize kirenga miliyoni 370 zama pound, kandi iyi kipe yirukanye Ten Hag imuha andi mafaranga ndetse kandi inagura Amorim kuva icyo gihe kugeze ubu kandi ntacyo iri kwinjiza gifatika.
Gutsindwa na Nottingham Forest byasize Manchester United ku mwanya wa 13 muri Premier League, n’intsinzi eshanu mu mikino 15.