FootballHomeSports

Umutoza Ruben Amorim yatoboye avuga kuri Marcus Rashford yarekuye none akaba ari kwitwara neza

Umutoza w’Umunya-Portigal Ruben Amorim utoza Manchester United yatangaje ko yishimira iteka ko umukinnyi batije muri ekipe runaka yitwara neza gusa ko ntabyinshi yavuga ku mukinnyi utari uwe.

Ibi yabigarutseho ubwo yagarukaga kuri rutahizamu Marcus Rashford iyi kipe yatije mu ikipe ya Aston villa mu kwezi kwa mbere mu isoko ry’Igura n’Igurisha ryaho, nyuma yo kutumvika n’uyu mutoza ku buryo yahavuye atakimukoresha habe no kumushyira mu bakinnyi b’umukino.

Ruben Amorim Yagize Ati “Ijisho ryange riri ku ikipe yange(Manchester United atoza), kuri ubu Marcus Rashford ntabwo ari umukinnyi wange. Gusa ni ibyumvikana ndishima igihe umukinnyi wacu ari kwitwara neza aho twamutije.”

Marcus Rashford Kuva yagera mu ikipe ya Aston villa, Umunya-Esipanye Unai Emery yatangiye kumuha umwanya cyane ko iyi kipe iri mu marushanwa menshi , Champions League, Premier league ndetse na FA Cup.

Uyu musore kuva yahagera imibare ye yabaye myiza ku buryo yongeye no kugirirwa ikizere mu ikipe y’intare eshatu z’Abongereza, ndetse aherutse gutsinda ibitego bibiri muri FA Cup mu mukino basezereyemo Preston North End F.C muri kimwe cya Kane bakaba bazacakirana na Crystal Palace muri kimwe cya Kabiri.

Muri Champions League na Premier league, Marcus Rashford amaze gutanga imipira yavuyemo ibitego ndetse biteganyijwe ko Unai Emery azakomeza kumwifashisha mu mikino iri imbere ya Premier league na Champions League.

Kuri ubu umutoza Ruben Amorim ahanganye no kureba uko yasoza mu myanya myiza no kwegukana Europa League kugirango yizere neza ko umwaka utaha azakina imikino yo ku mugabane w’u Burayi cyane ko ibyo kuza mu makipe ane ya mbere cyangwa undi mwanya wamuha gukina imikino y’Iburayi bisa nk’ibigoye.

Premier League hagiye gukurikiraho umunsi wa 30 wa Shampiyona, imikino irakinwa kuri uyu wa Kabiri, uwa Gatatu ndetse n’uwa kane!

.Nottingham Forest F.C VS Manchester United: 01/04/2025(21:00 PM)

.Brighton & Hove Albion F.C VS Aston Villa: 02/04/2015 (20:45PM)

IYI NKURU UYAKIRIYE UTE?

Leave a Reply

Your email address will not be published. Required fields are marked *