Umukinnyi w’Ikipe y’Igihigu Amavubi ukina i Burayi ikipe ye yamanutse mu kiciro cya Kabiri
Umukinnyi w’Ikipe y’Igihigu y’u Rwanda y’Umupira w’Amaguru Hakim Sahabo ikipe yari yaratijwemo yamaze kumanuka mu cyiciro cya Kabiri cy’Umupira w’Amaguru mu gihugu cy’Ububiligi aho akina kuri ubu.
Uyu musore yatijwe muri iyi kipe yitwa Beerschot mu mezi atatu ashize mu isoko ry’Igura n’Igurisha ry’u kwezi kwa mbere kwa 2025, avuye mu ikipe ya Standard de Liège yatangiye gukinira mu mwaka 2024.
Iyi kipe ye yamanutse nyuma yo kunanirwa kwikura mu mikino yo kurwanira kutamanuka(Relegation Battle) aho umukino wabishimangiye batsinzwe na Sint-Truidense V.V. igitego kimwe ku busa(1-0) cyagiyemo ku munota wa 54′ cyatsinzwe n’umusore witwa Loïc Lapoussin.
Muri uyu mukino Hakim yakinnye iminota yose y’umukino, gusa ntagitego ntamupira wakivuyemo ndetse yewe ntanishoti yateye mu izamu muri uyu mukino, ni umukino wabaye kuri uyu wa Gatandatu wa tariki 29 Werurwe 2025.
Shampiyona y’Igihugu cy’Ububiligi isa nk’ikinwa mu buryo butandukanye n’izindi , habanza gukinwa umwaka w’imikino usanzwe(Regular Season) uba ugizwe n’imikino 30 kuko Shampiyona igizwe n’amakipe 16.
Iyo irangiye hakurikiraho ibice by’amakipe ahanganira ibitandukanye mu mwaka w’imikino, ane y’anyuma akina imikino yo guhatanira kutamanuka mu gihe atandatu ya mbera akina iyo guhatanira igikombe.
IYI NKURU UYAKIRIYE UTE?