Rutahiza w’Umufaransa wa Real Madrid ,Kylian Mbappé, ashobora kutabanza mu kibuga cyangwa ntanagaragare ku mukino bafitanye na Barcelona kuri uyu munsi ukaba Finali ya Copa del Rey uteganyijwe ku isaha y’i saa yine z’umugoroba (22:00PM).
Real Madrid isanganwe ibibazo by’imvune birimo iby’Umufaransa Eduardo Camavinga, David Alaba bose batagomba kugaragara kuri uyu mukino twirengagije abandi bafite iby’igihe kirekire, Kylian Mbappé na Ferland Mendy bose bajyanye na ekipe nubwo bari bamaze iminsi bafite imvune ndetse Mendy we agomba kubanza mu kibuga ntagihindutse.
Mu gihe Kylian Mbappé we ashobora kudakina uyu mukino cyangwa ashyirwe mu bakinnyi b’umukino ntabanze mu kibuga, bivuye ku mvune ya kuye ku mukino wa Arsenal yamasezereyemo muri Champions League nk’uko byemezwa na Radio Marca yo muri Esipanye.
Real Madrid irimo kuvugwa muri vurugu vurugu nyuma y’uko ibinyamakuru bicukumbuye ko yashakaga kureka gukina uyu mukino, yifuza ko hahindurwa abasifuzi bari busifure uyu mukino ari ko ikurirwinzirakumurima, umuyobozi w’Ishyirahamwe rya Ruhago muri Esipanye Rafael Louzán , umuyobozi wa Shampiyona ya Esipanye Javier Tebas ndetse na Atlético de Madrid bose bamaganye iyi myitwarire ya Real Madrid (Florentino Pérez).
Kuri ubu amakuru agezweho n’uko perezida Florentino Pérez yamaze kugera I Sevilla ahagiye kubera uyu mukino, Real Madrid na yo, iriyo , Barcelona na yo yagezeyo ndetse ise wa Lamine Yamal yaje ku musura kuri hoteli aho ikipe iri nubwo Hansi Flick nawe hari abakinnyi adafite barimo Robert Lowandowski, Marc Casado na Alejandro Balde.
IYI NKURU UYAKIRIYE UTE?
