Uko ubuzima bwa Michail Antonio wa Westham United buhagaze nyuma y’impanuka ikomeye yakoze
Ubuzima bw’umukinnyi Michail Antonio ukinira Westham bumeze neza mu bitaro ndetse araganira agasubiza buri umwe umuganiriza gusa haracyari impungenge z’uko ashobora kutongera gukina umupira w’amaguru nyuma yo kubagwa igice cy’umubiri cyo hasi.
Amakuru menshi aturuka mu bitangazamakuru by’i Burayi aravuga ko uyu mugabo ukomoka mu gihugu cya Jamaica ashobora kutongera gukina umupira w’amaguru nyuma yo kuvunika bikomeye ku gice kimwe giherereye ku kagaru ke.
Nkuko amafoto abigaragaza uyu mugabo aherutse gukorera impanuka ikomeye hafi y’agace ka Essex mu ishyamba rya Epping ubwo yari atwaye imodoka ye yo mu bwoko bwa Ferrari aho bigaragara ko yangiritse bikomeye.
Ikinyamakuru (talksport) kiratangaza ko nkuko abaganga bari gukurikirana ubuzima bw’uyu mugabo babitangaza, ashobora kuba azamenya ibisubizo nyabyo ku hazaza he mu mezi 12 ari imbere, amakuru kandi avuga ko uyu mugabo agiye kurwana no gukira imvune ikomeye cyane yagize ku kaguru gusa bikaba byitezwe ko ingufu z’umubiri we ugaragaza ziri mu bizamworohereza mu kugaruka neza mu buzima.
Inkuru irambuye
- UCL :Ikipe ya Juventus imaze guhuhura Man City
- Pep Guardiola ntayindi kipe azongera gutoza naramuka atandukanye na Man city
- Imigabo n’imigambi ya Brig.Gen.Karuretwa yinjiranye mu nshingano nshya yahawe
- Kigali : Polisi yataye muri yombi abasore bakoraga ubujura biyitirira WASAC
- Muhire Kevin yemeje ko ibyo yavuze kuri kapiteni wa Apr ari ibinyoma
Abarimo Piers Morgan, Gary Lineker,Jobi McAnuff bahoze bakinana ndetse n’abanyamupira batandukanye bafashije Michail Antonio mu kumuba hafi, uwahoze ari umutoza we Martin Allen nawe yamugeneye ubutumwa bufunguye bwo kumuhuriza Aho humvikanamo kumwifuriza gukira vuba no kuba yabasha kugaruka ku mwuga we.
“Michail Antonio ni umwe mu beza Westham united yagize mu myaka nk’umunani ishize n’umuntu tuziranye cyane kuko akenshi najyaga mutwara mu modoka twerekeza London nyuma y’imikino aho yabaga agiye kureba umuryango we. Ibyago ntawubiteganya gusa icyo namwifuriza nta kindi kitari ugukira vuba.”
Biravugwa ko uyu mugabo w’imyaka 34 yamaze hafi iminota 45 yabuze uko asohoka mu modoka mu gihe ababishinzwe bariho barwana no kumukuramo, nkuko bitangazwa n’ikinyamakuru The Sun, cyo mu Bwongereza, Antonio agikurwa mu modoka yumvikanye abaza ati: “ndi hehe ? n’ibiki biri kuba ? ndi mu modoka ya nde ? “
Mu itangazo ryasohowe n’ikipe ya Westham united ku Cyumweru aho ryavugaga riti:”Ubuyobozi bw’ikipe ya Westham united buremeza ko umukinnyi Michail Antonio yabazwe ku gice cyo hasi cy’umubiri nyuma yo kugira impanuka y’imodoka ikomeye cyane ku gicamunsi cyo ku wa Gatandatu. Michail arakomeza gukurikinwa aho aherereye mu bitaro mu minsi iza.”
Antonio afite ibigwi mu ikipe ya Westham united dore ko amaze gukinira iyi kipe imikino 323 kuva ubwo yasinyiraga iyi kipe mu 2015 akaba ari nawe ufite agahigo ko gutsindira iyi kipe ibitego byinshi, aho afite ibitego birenga 80 yayitsindiye.
