Uganda : abarenga 18 bamaze gupfira mu nkangu yatewe n’imyanda
Abantu bagera kuri 18 bamaze kwitaba imana nyuma y’uko bazize isenyuka ry’ikimoteri rusange cyashyirwagamo imyanda giherereye mu murwa mukuru wa Uganda, Kampala.
inkeragutabara magingo ya zikomeje gucukura imyanda kugirango zishakishe abagwiriwe n’imyanda baba bagihumeka umwaka w’abazima nyuma y’iri isenyuka, ryaje rikurikiye ibyumweru by’imvura idasanzwe muri iki gihugu.
Iki kimoteri rusange cyashyirwagamo Imyanda cya Kiteezi , bivugwa ko cyari ku ubuso bwa Hegitari 36 akaba ari nacyo cyonyine gishyirwamo imyanda yavuye hirya no hino mu mujyi wa Kampala wose, uyu umujyi ukaba utuwe n’abantu bagera kuri miliyoni enye.
Umuyobozi w’umujyi wa ka Kampala, Erias Lukwago, yatangaje ko iyi yari impanuka yagombaga kuzabaho ndetse Binavugwa ko abayobozi b’umujyi bagerageje gushaka ikibanza gishya imyaka myinshi ishize ari bagakomeza kubirazika .
Ibiro ntaramakuru Reuters bivuga ko umusozi munini wari ukozwe n’imyanda waguye hejuru y’amazu yari yegeranye n’iki kibanza cy’iki kimoteri rusange mu ijoro ryo ku wa gatanu mu gihe abaturage bari basinziriye muri iryo joro.
Ku wa gatandatu, abapfuye batanzwe ari umunani, barimo abana babiri ,Ku cyumweru, umuvugizi wa polisi ya Kampala, Patrick Onyango, yatangarije AFP ko indi mibiri ine y’abapfuye yaboneste , mu gihe abantu 14 barokowe.
Aho yagize ati: “Igikorwa cyo gutabara kiracyakomeza kugeza igihe tuzaba tuzi neza ko nta wundi muntu ukiri munsi y’iyi myanda”.
Bwana Onyango yavuze ko abantu bagera ku 1,000 bahatiwe kuva mu ngo zabo kubera inkangu gusa ntiyasobanuye umubare w’abantu babaga muri ako agace, cyangwa niba batuye hafi.
Abantu benshi bari batuye aha bari batunzwe no kunyura mu birundo by’imyanda bashaka ikintu cyose gishobora kuba cyakongera kugurishwa . kuri umuryango wita ku mbabare wa Croix-Rouge ishami rya Uganda wagiye utanga amahema ku bahuye n’ibi biza bayakeneye nk’icumbi ryigihe gito.
