UEFA CHAMPIONS LEAGUE : Raphinha yafashije ikipe ya Barcelona kwararika ndetse no guhindanya Bayern Munich !
Ikipe ya FC Bayern Munich yangiriwe kuri sitade ya Estadio Olimpico Lluis Companys ibitego bine kuri kimwe na ekipe ya FC Barcelona mu mikino y’amatsinda avuguruye muri Uefa Champions Legue mu ijoro ryakeye .
Ikipe ya Barcelona itozwa n’umudage Hans Flick yari yabanjemo abarimo Inaki Pena, Cubarsi, Balde, Martinez, Pedri, Lewandowski, Raphinha, Fermin, Casado, Yamal, na Jules Kounde.
Umutoza wa Bayern Munich Vincent Kompany utari wizeye neza ubuzima bw’abarimo Aleksandar Pavlovic wavunitse umugongo mu mukino uheruka ndetse Umukinnyi wo hagati ariko usatira Jamal Musiala wari waragize imvune yo ku kuguru mu mukino iyi ikipe yari yatsinzwemo na Aston Villa mu byumweru bitatu bishize.
Ibi byatumye abanzamo Manuel Neuer mu izamu ; Guerreiro, Upamecano, Min-jae, Davies; Kimmich, Palhinha; Olise, Musiala, Gnabry na Harry Eduard Kane.
Umukino watangiye ikipe ya Bayern Munich itungurwa cyane kuko ku munota wa mbere gusa w’umukino umunya- Brazil witwa Raphael Dias Belloli, bakunze kwita Raphinha yari amaze kuvumba iyi kipe yo mu bwami bwa Bavaria igitego cya mbere.
Gusa nubwo ibyishimo byabo bitateye kabiri kuko ku munota wa 18 wonyine , umwongereza Harry Kane yahise agombora iki gitego nyuma yuko yari amaze gutsinda ikindi gitego gusa ariko umusifuzi w’umunya – Slovenia witwa Slavko Vincic ahita amubwira ko yari yaraririye.
Gusa nubundi ibi ntago byaciye ikipe ya Barcelona intege kuko munota wa 36 w’umukino n’ubundi ku makosa y’aba myugariro ba Bayern Munich bari bahagaze nabi ku mugoroba mu ijoro ryakeye, ku kazi gakomeye kari kamaze gukorwa na fermin Lopez uwitwa Robert Lewandowski yateretsemo igitego cya kabiri cya Barcelona .
Ku munota wa 45′ , 56′ , Raphinha wari wambitswe igitambaro cya kapiteni yahise atangiza urugamba rwo kwararika ndetse no gusiga icyaha isura y’ikipe ya Bayern Munich kuko ku mupira yahawe n’abarimo Lamine Yamal na Casado ,uyu musore yatsinze ibitego bitatu wenyine muri uyu mukino wabaye ku mugoraba .
Ubwo yaganiraga n’ikinyamakuru Movistar. Raphinha yagize ati : “Njye mbona, uyu mukino washoboraga kuba umukino wa nyuma wa Champions League Kugirango tubashe gutsinda muri ubu buryo, kandi neza imbere y’abafana bacu, birihariye kandi birangiye n’ubundi nishimye. ”
“Kubona intsinzi ya kabiri muri Champions League byari ngombwa, gusa nanone tugomba gutekereza ku mukino wo ku wa gatandatu [na Real Madrid].”
ubwo yari abajijwe ku mukino afitanye na Real Madrid mu mpera z’iki cyumweru ,Raphinha yabwiye Movistar Plus, ko ashingiye ku buryo Real Madrid yatsinze Dortmund ko uyu uzaba ari umukino ukomeye .
Ati: “Reba uko byagenze ejo i Madrid n’uyu munsi ushobora kubona uburyo umukino uzaba mwiza kuwa gatandatu. Clasico ni umwe mu mikino myiza ku isi, ”
Kuri hat-trick yagize ubwo bahuraga na Bayern, yongeyeho ati: “Ni ijoro ryo kwishimira cyane. Ku mukino, ibyo twakoze , twabikoze nkikipe. Nibintu byingenzi kuri njye. Kugirango tubashe gutsinda gutya, imbere y’abafana bacu ndetse birihariye cyane ”.
UKO INDI MIKINO YARAYE IBAYE MURI Champions League YAGENZE
- Atalanta 0-0 Celtic
- Brest 1-1 Bayer Leverkusen
- Atlético Madrid 1-3 Lille
- Barcelona 4-1 Bayern Munich
- Benfica 1-3 Feyenoord
- Manchester City 5-0 Sparta Prague
- RB Leipzig 0-1 Liverpool
- Red Bull Salzburg 0-2 Dinamo Zagreb
- Young Boys 0-1 Inter Milan