UEFA CHAMPIONS LEAGUE 2024 : Ancelotti abona ko Vinicius akwiye gutwara Ballon d’or ; indi mikino iteganijwe muri iri joro [ full report ]

October 23, 2024 Gatete Jimmy

Umutoza wa Real Madrid, witwa Carlo Ancelotti, yashimye bidasanzwe Vinicius Junior nyuma yuko umukinnyi ukomoka muri Berezile atsinze ibitego bitatu wenyine mu gice cya kabiri kugira ngo abafashe kwegukana amanota atatu imbere ya Borussia Dortmund yari yabanje kubatsinda ibitego bibiri mu gice cya mbere muri Champions League.

Ancelotti yabwiye abanyamakuru ko yizeye ko Vinicius w’imyaka 24 azegukana igihembo cya Ballon d’or gihabwa umukinnyi mwiza ku isi.

Aho yagize ati : “Icyo navuga ni uko bidasanzwe kubona umukinnyi ukina igice cya kabiri nk’uko Vinicius yabigenje kandi ntabwo ari ukubera intego zacu zabimufashijemo gusa ahubwo ni kubera imico ye; adasanzwe. ”

yakomeje agira ati: “Vinicius akwiye gutwara [Ballon d’or], atari ku byo yakoze muri iri joro, ahubwo ni ibyo yakoze umwaka ushize.”

Abandi bakinnyi batsindiye ikipe ya Real Madrid barimo Antonio Rüdiger ku mupira yari ahawe na Kylian Mbappe ku munota wa 60 mu gihe , Vinicius junior ku munota wa 62 , 86 na n’umunota wa gatatu w’inyongera mu murizo w’umukino na Lucas Vázquez wari watsinze igitego ku munota wa 83 .

Aba baje bishyura ibitego bya Donyell Malen ku munota wa 30 w’igice cya mbere na Jamie Gittens wa 34 bari batsindiye ikipe ya Dortimund . ibi byatumye ikipe ya Real Madrid igwiza amanota atandatu mu mikino itatu imaze gukina inganya na Borussia Dortimund muri iri tsinda .