UBwongereza bwasabye u Rwanda na M23 kuvana ingabo zabo muri Bukavu
Mu kanya gashize , Ubwami bw’Abongereza bumaze gutangaza ko bwamaganye igikorwa cy’umutwe wa M23 ufatanijemo n’ingabo z’u Rwanda cyo kwinjira mu mujyi wa Bukavu ndetse ko uyu mutwe uri guhonyora nkana ku busugire bwa Repubulika iharanira Demokarasi ya Kongo n’amasezerano mpuzamahanga .
Mu itangazo rimaze gushyirwa ahagaragara n’Umuvugizi w’ibiro bishinzwe ububanyi n’amahanga w’umuryango w’ibihugu bikoresha ururimi rw’icyongereza [Common Wealth ] ryashimangiye ko uku gukomeza kwigarurira ibindi bice biri gukorwa n’umutwe wa M23 bishobora kuzavamo intambara ikomeye izototera akarere kose ndetse benshi bagatakarizamo ubuzima .
Aho rigira riti : ” Igikorwa cyo kwinjira kw’abarwanyi b’umutwe wa M23 mu mujyi wa Bukavu ni ukurengera gukomeye ku busugire bwa DRC ,akarere muri rusange no guhonyora amasezerano mpuzamahanga y’umuryango w’abibumbye .
” Iki ni cyimenyetso gikomeye gica amarenga ko hashobora kwaduka icyago cy’intambara yagutse mu karere kose . Ubwongereza burasaba ko hashyirwaho agahenge k’imirwano ,kongera kubyutsa inzira z’ibiganiro by’amahoro ndetse no kuvana ingabo za M23 n’izo bavuze ko ari iza RDF mu mujyi wa Bukavu .”
kuri iki cyumweru tariki ya 16 Gashyantare 2025 , Bamwe mu baturage bo mu mujyi wa Bukavu bahaye ikaze abarwanyi b’umutwe wa M23 wamaze kuwinjiramo ndetse uyu mutwe ni nawo urinze umupaka uhuza u Rwanda na DRC ku ruhande rwo mu karere ka Rusizi .