Urwego rw’igihugu rw’itembere [RDB] rwatangaje ko rwasinyanye amasezerano n’ikipe ya Atheletico Madrid yo muri Esipanye yo kwamamaza ibirango bya Visit Rwanda agomba kuzageza ku ya 30 Kamena 2028.
Kuri ubu u Rwanda ruri gufatanya n’amakipe menshi yo muri shampiyona zikomeye z’i Burayi nka Bayern Munich, Paris Saint-Germain na Arsenal mu kwamamaza Visit Rwanda.
Mu rwego rwo gushimangira uruhare rwayo mu mupira w’iburayi, VISIT RWANDA yahisemo gukorana na Atlético de Madrid ibi binasobanura kumenyekanisha ibi birango muri Espagne byumwihariko muri LaLiga.
“Binyuze muri iyi mikoranire, twiyemeje kugaragaza u Rwanda nk’ahantu habereye ba mukerarugendo, ahantu hihariye ku bantu mpuzamahanga bakora ubukerarugendo ndetse n’ahantu hatanga urubuga rwo gukuza impamvu, hanagura amahirwe ku banyafurika bakiri bato binyuze muri siporo.”Jean-Guy Afrika, umuyobozi mukuru w’ikigo gishinzwe iterambere ry’u Rwanda, kuri aya masezerano.
U Rwanda na VISIT RWANDA babaye umuterankunga wa mbere uturutse ku mugabane wa Afurika winjiye ukoranye na Athletico Madrid mu mateka yayo.
Mu masezerano yasinywe, ibirango bya VISIT RWANDA bizajya bigaragara ku myambaro y’imyitozo y’ikipe ya mbere y’abagabo mu mikino itanu ya LaLiga isigaye, ndetse nigikombe cyisi cy’ama- Club.
Kuva muri mwaka w’imikino utaha, VISIT RWANDA izajya igaragara kandi ku myambaro ikoreshwa mu myitozo y’ikipe ya mbere y’abategarugori ndetse no ku byapa byo muri sitade .
