Tanzania ishobora guhura n’uruvagusenya ikamburwa itike y’igikombe cya Afurika yari yabonye
Ikipe y’igihugu ya Tanzania ishobora kwamburwa tike y’ikombe cya Africa cya 2025 yari yabonye kubera amakosa yakoze ku mukino batsinzemo ikipe y’igihugu ya Guinea igitego kimwe ku busa(1-0) umukino wabereye kuri Benjamin Mkapa Stadium.
Hari ku itariki ya 19 Ugushyingo ubwo ikipe y’igihugu ya Tanzania yakiraga iya Guinea mu gushaka itike y’imikino y’ikombe cya Africa kizabera muri Morocco 2025, aho iyi kipe y’umutoza Hemed Suleiman(Tanzania) yasabwaga gutsinda mu gihe ikipe ya Guinea yo yasabwaga kunganya gusa ariko byarangiye ikipe ya Tanzania ikomeje kugitego cya Simon Msuva ku munota wa 61′.
Muri uwo mu kino niho ikipe ya Tanzania yakoreyemo amakosa ashobora no gutuma yamburwa tike byatanga amahirwe ku ikipe y’igihugu ya Guinea bari bakinnyi uwo mukino.
Byagenze bite?
ku munota 73′ w’igice cya kabiri cy’umukino Tanzania yinjijemo umukinnyi wari wambaye nimero 26 mu mugongo ariko muri nimero zatanzwe niyi kipe mu mpuzamashyirahamwe y’aruhago muri Africa “CAF” iyi nimero ntiyigeze itangwa (bakoresheje nimero batabwiye CAF ko bazakoresha).
Ibi rero Tanzania yakoze binyuranyije n’amategeko n’amabwiriza agenga amarushanwa byumwihariko ku ngingo yo kugaragaza neza umukinnyi uwariwe(identification of players and highlights)
Iyo utereye akajisho witonze mu bakinnyi n’animero zabo haba abari babanje mu kibuga ndetse na abari ku ntebe y’abasimbura usanga ntamukinnyi wari wambaye nimero 26 .
Ikipe ya Guinea yamaze kumenyesha impuzamashyirahamwe y’aruhago muri Africa “CAF” uko byagenze ku buryo hashobora gufatwa umwanzuro utari bushimishe Abanyatanzaniya.
Igikombe cya Africa cya 2025 kizabera mu gihugu cya Morocco kizitabirwa n’amakipe 24 yabashije kuba ayambere cyangwa ayakabiri mu matsinda bari baherereyemo yo gusha itike hakongerwaho Morocco izakira iki gikombe.
Aya niyo makipe kugera ubu azwi ko azakina iki gikombe: Morocco (hosts), Algeria, Angola, Benin, Botswana, Burkina Faso, Cameroon, Comoros, DR Congo, Egypt, Equatorial Guinea, Gabon, Ivory Coast, Nigeria, Mali, Mozambique, Senegal, South Africa, Sudan, Tanzania, Tunisia, Uganda, Zambia, Zimbabwe.
