Somalia yafashe ikemezo cyo kuza kwigira ku Rwanda
U Rwada kubera ubwiyubake n’iterambere, abadepite bo muri somalia, bagize komisiyo y’uburinganire n’uburenganzira bw’amuntu barutembereyemo nk’uruzinduko rw’iminsi itanu, mu kureba ibikorwa bitandukanye rwubatse, kuko rumaze kuba urugero muri Afurika kubera iterambere ryarwo mu nzego zitandukanye.
Ni kuri uyu wa mbere taliki ya 04 ugushyingo 2024, perezida w’umutwe w’abadepite mu nteko ishingamategeko y’urwanda, Kazarwa Gerturde ari kumwe na bagenzi be bagize komisiyo y’ubumwe bw’Abanyarwanda, uburenganzira bw’amuntu no kurwanya jenoside , bahaye ikaze abadepite bo muri Somalia,aho baganiriye ku buryo u Rwanda rumaze gutera imbere nyuma y’imyaka ishize jenoside ihagaritswe.
Si ubwa mbere abagize inteko ishingamategeko yo muri somalia basuye u Rwanda, kuko taliki ya 30 Mutarama uyu mwaka nabwo itsinda ry’abasenateri bo muri iki gihugu, bararutembereye aho basobanuriwe umumaro w’abagore mu iterambere ry’igihugu ,mu gihe bo abagore batahabwaga agaciro kuko wasangaga muri sena ya somalia, muba senateri 54, abagore babaga ari 14 gusa abandi ari abagabo.
Perezida wiyi komisiyo ya somalia, depite Hawa Sokor Ali, yavuze ko hari intego nyinshi zatumye bagenderera u Rwanda ,nko mu mikoranire y’inteko ishingamategeko z’Urwanda na somalia, no kuba hari umubano w’ibihugu byombi.
Yagize ati” twahisemo kugenderera u Rwanda kuko rumaze kuba icyitegererezo mu iterambere ku mugabane wa Afurika mu nzego zitandukanye”.
Ikindi yagaragaje inyungu nyinshi Somalia ikura mu nyigisho ihabwa iyo yakoreye urugendoshuri mu Rwanda, kuko ubu bwari ubwa kabiri Somalia ihatembereye nk’igihugu kiri mu iterambere rihambaye muri Afurika mu nzego zitandukanye.
Umubano w’u Rwanda na Somalia kandi ntago ushingiye kugusurana gusa, ahubwo, bifitanye n’umubano ushingiye kuri dipolomasi, Afurika yunze ubumwe, ndetse n’ umuryango uhuza ibihugu by’Afurika y’iburasirazuba (EAC), wahaye ikaze Somalia muri 2023.
Aha bikaba biteganyijwe ko ababadepite bo muri Somalia bazanasura urwibutso rwa jenoside yakorewe abatutsi rwa kigali .