Simba SC yongeye guha umwitangirizwa Rayon Sports, APR FC na Young Africans

Ikipe ya Simba SC yo muri Tanzania yongeye kwandika amateka aho yashyizwe mu makipe y’ibihe byose (amakipe y’amateka) ku isi n’ikigo cya Global Database Club (GDC), iba n’ikipe ya mbere igiye kuri uru rutonde ari iyo mu gace k’Afurika y’Uburasirazuba u Rwanda ruherereyemo.

Mu makipe akomeye dufite muri aka gace haba Rayon Sports yo mu Rwanda, Young Africans yo muri Tanzania, Vipers cyangwa KCCA zo muri Uganda , Gor Mahia cyangwa Tusker F.C zo muri Kenya ndetse na APR FC ntanimwe iba kuri uru rutonde, bisobanuye ko Simba SC ariyo kipe yonyine yo muri aka gace ibashije kwesa uyu muhigo nyuma yo kumaraha imyaka 10 iheruka yitwara neza haba imbere muri Tanzania ndetse no hanze ya Tanzania mu mikino nya Africa.

Iyi kipe kuri ubu iri gutozwa na Fadlu Davids, kuri uru rutonde ihasanze andi makipe yo mu bihugu bitandukanye byo muri Africa Al Ahly(Misiri) , Wydad AC(Marocco), Raja CA(Marocco), TP Mazembe(Repubulika ya Demokarasi ya Congo), Zamalek(Misiri) na Esperance Sportive de Tunis(Tunisia).

Iyo utereye akajisho kuri uru rutonde usangaho andi makipe akomeye ku rwego rw’Isi Barcelona, Real Madrid, Manchester United, Bayern Munich, Chelsea, Manchester City, PSG, AC Milana, Juventus, Liverpool, Tottenham Hotspur, Borussia Dortmund, Atlético de Madrid ndetse n’ayandi menshi asanzwe azwi ku isi.

kujya kuri uru rutonde sibintu byizana gutyo kuko amakipe akomeye menshi muri Africa ntari kuri uru rutonde nka Mamelodi Sundowns, Kaizer Chiefs , Vita Club , Étoile Sportive du Sahel ndetse n’ayandi. Simba SC imaze imyaka 89, yatwaye ibikombe 22 bya Shampiyona, abafana benshi hirya no hino ku isi atari muri Tanzania gusa, ndetse yatangiye no kuba ikipe nziza muri Africa.

IYI NKURU UYAKIRIYE UTE