Sean Dyche utoza Everton we ngo abona nta gitangira igihari yabuza Jarrad Branthwaite kwerekeza muri Manchester united muri Mutarama
Sean Dyche utoza ikipe ya Everton yemeye ko adafite imbaraga zo guhagarika myugariro Jarrad Branthwaite umaze kuba inyenyeri kwinjira muri Manchester United mu isoko ry’igura n’igurisha ry’abakinnyi muri Mutarama .
Mu gihe cya Dyche nk’umutoza wa Everton , iyi ikipe yaranzwe n’ibibazo by’amikoro biri no mu byagize ingaruka zirimo igurishwa ry’abakinnyi b’ingenzi nka Anthony Gordon wagurishijwe ikipe ya Newcastle, Alex Iwobi wagiye muri Fulham na Amadou Onana uherutse kwekeza muri Aston Villa muri iriya mpeshyi ishize .
Ndetse kuri ubu hakaba hari akayabo kangana na miliyoni 70 zama pound ziri ku meza ziva mu ikipe ya Manchester United kuri Branthwaite w’imyaka 22 zishobora no kongerwaho igihe uyu mukinnyi yaba ageze muri iyi ikipe kandi bigaragara ko nta gitangira ihari kuko n’iyi ikipe nayo ubwayo isa nkaho itari ku murongo nyuma yuko ihinduye umuherwe wari uyifite mu biganza .
Ubwo yari abajijwe iki kibazo , umwongereza Sean Dyche yavuze ko bijyanye nuko ikipe ya everton yagiye ihura n’ibibazo bikomeye bijyanye n’ubukungu ndetse no mu mwaka ushize ikaba yarafatiwe ibihano byo gukurwaho amanota bijyanye nuko ibitabo byayo by’ubukungu bitahuraga kuko bari bakoresheje amafaranga menshi atavuye mu bikorwa bya siporo mu kugura abakinnyi ,ngo muri iyi ikipe rwose ikitwa kgurisha umukinnyi ntago kikiri inkuru ndetse isaha ku isaha Jarrad yakerekeza muri Manchester united .
Branthwaite yabanje inshuro imwe gusa mu kibuga nyuma yo kubagwa muri uyu mwaka w’imikino . Kurundi ruhande United yashyizeho Ruben Amorim nk’umutoza mushya uhoraho nyuma yo kwirukana Erik TenHag mu minsi ishize ndetse ihita inatangaza Ruud Van Nistelrooy nk’umusigarire we .
Kuri iki cyumweru, Ruud van Nistelrooy yatoje umikino wa United iwayo kuri Old Trafford ndetse anatsinda Leicester city ibitego bitatu ku ubusa mu mukino we wa nyuma nk’umutoza w’agateganyo .
Kugeza ubu igihari ndetse kiri no kugarukwaho muri iyi ikipe ya Manchester united ni ukwibaza niba Amorim azakomezanya na Van Nistelrooy kuri Old Trafford nk’umwe mu bakozi be bafatanya gutoza iyi ikipe y’amashitani atukura.
