Ruben Amorim yahaye umurongo ibyo gusohoka kwa Rashford muri Manchester united
Umutoza w’ikipe ya Manchester united yatangaje ko iyi kipe yishimiye kugira rutahizamu Marcus Rashford mu itsinda ry’abakinnyi mu gihe hamaze iminsi hacicikana amakuru menshi yerekeza uyu musore hanze y’iyi kipe .
Rashford w’imyaka 27 , ku wa kabiri yatangaje ko yiteguye guhangana ndetse no gutera indi ntambwe nshya mu rugendo rwe rw’umupira w’amaguru byacaga amarenga yuko uyu musore ashobora gusohoka muri iyi kipe .
Aya magambo uyu musore w’umwongereza yayatangaje nyuma y’iminsi igera kuri ibiri atagaragaye ku rutonde rw’abakinnyi bagombaga gukoreshwa ku mukino iyi kipe yatsinze igarukanye Manchester city ibitego bibiri kuri kimwe kuri sitade ya Etihad .
Rashford aheruka kugaragara mu kibuga yanakibanjemo ubwo iyi kipe yanyagiraga ikipe ya Everton bine byose kuri busa , akaba yaranatsinzemo ibitego bibiri ubwo yari yayakiriye ku kibuga cyayo cyitwa Old Trafford .
Ubwo yari mu kiganiro n’itangazamakuru , Amorim utoza united yavuze ko Rashford iyi kipe ikeneye umwataka mwiza nubwo bidakuraho impano ya Rashford mu gusatira izamu .
Rashford amaze gukinira iyi kipe imikino 426 anayitsindira ibitego 138 kuva yagera muri iyi kipe iri ku mwanya wa 12 ku rutonde rwa shampiyona y’icyiciro cya mbere y’igihugu cy’u Bwongereza [ Premier League ] . Marcus amaze guhamagarwa inshuro mirongo itandatu mu kipe y’igihugu y’ubwongereza .
Rashford ni umwe bahenze kugeza ubu aho asaga 300,000£ ayahembwa ku cyumweru ndetse amakipe abarirwa ku ntoki niyo yabasha kwigondera kugura amasezerano ye agomba kurangira mu kwezi kwa munani ko mu mwaka wa 2030 .
Gusa amakipe arimo PSG na Man city akomeje kugaruka mu binyamakuru byinshi aho biri kwemeza ko uyu musore wamaze kugaragaza ko utishimiwe na Amorim ashobora kuyerekezamo .