Rodrygo Goes wa Real Madrid yamaze kuva mu biganiro yari arimo na Man city
Umunya – Brazil ukinira ikipe ya Real Madrid witwa Rodrygo Silva de Goes biravugwa ko yamaze kuva mu biganiro yari arimo n’ikipe ya Manchester city bigamije kuba yazayerekezamo mu mpeshyi yo muri 2025 .
Uyu rutahizamu ukiri mutoya ukomoka muri gace ka Osasco muri leta ya São Paulo, mu gihugu cya Brazil bivugwa ko ari umwe mu bakinnyi bakomeje kwibazwaho ndetse banashakishwa n’amakipe agiye atandukanye ku mugabane w’i Burayi kuva mu mwaka w’imikino ushize uhereye igihe ikipe ya Real Madrid yegukanaga Champions League na La liga icyarimwe .
Rodrygo yagize uruhare rw’ibitego bigera kuri 18 mu ikipe ya Real Madrid muri mwaka ushize w’imikino wa 2023-24 nyuma yo gutanga imipira ivamo ibitego igera kuri cyenda akanatsindira Los Blancos ibitego icyenda .
Nubwo Rodrygo yatanza uyu musaruro bigaragara nkaho adahabwa icyuhabiro gikwiye ibyo akora nk’ibyo abarimo Jude Bellingham na Vinicius Jr bahabwa mu buryo baba banafatwa mu kipe ndetse n’abafana muri rusange kandi usanga ntakinyuranyo gikabije kiri hagati y’umusaruro batanga .
Ikinyamakuru cyitwa Relevo cyandikirwa mu bwami bwa Esipanye cyo ku munsi wo ku wa mbere cyari cyanditse ko Rodrygo asa nk’uri mu cy’imeze nk’agahinda ari nabyo byanatumye yemerera ikipe ya Man city nayo itorohewe n’ibihe iri kunyuramo kuba bajya ku meza y’ibiganiro .
Amakuru yabyutse yandikwa hariya mu gihugu cya Esipanye kuri uyu munsi w’ivuka ry’umwami Yesu Kristu yemeza ko Rodrygo yamaze kuba ava mu biganiro na Man city ngo ndetse umutima n’intekerezo ze bikaba biherereye mu kurangamira kugera ku ntego zo kwegukana ibikombe no guca uduhigo dutandukanye kuri sitade ya Santiago Bernabeu .
Kurundi ruhande ikipe ya Man city yaraguze uwitwa Sávio Moreira de Oliveira bakunze kwita Savinho ariko mu byukuri ntago yaje ngo afatishe ndetse ngo anatange umusaruro yari yitezweho kuko kuri ubu ntiyari yatsinda igitego na kimwe muri Premier League .
Ahazaza ha Rodrygo hakomeje kwibazwaho cyane byumwihariko uku kwibaza kwatangiye kwiyongera umunsi umufaransa Kylian Mbappé Lottin akandagiza ikirenge cye muri iriya kipe .
| Umwanya | Ikipe | Imikino yakinnye | Iyo yatsinze | Iyo yanganije | Iyo yatakaje | ibitego byose muri rusange yinjije | ibitego yinjijwe | ikinyuranyo cy’ibitego | Amanota ifite |
| 1 | Atletico Madrid | 18 | 12 | 5 | 1 | 33 | 12 | +21 | 41 |
| 2 | Real Madrid | 18 | 12 | 4 | 2 | 41 | 18 | +23 | 40 |
| 3 | Barcelona | 19 | 12 | 2 | 5 | 51 | 22 | +29 | 38 |
| 4 | Athletic Bilbao | 19 | 10 | 6 | 3 | 29 | 17 | +12 | 36 |
| 5 | Villarreal | 18 | 8 | 6 | 4 | 34 | 30 | +4 | 30 |
| 6 | Real Mallorca | 19 | 9 | 3 | 7 | 19 | 21 | -2 | 30 |
| 7 | Real Sociedad | 18 | 7 | 4 | 7 | 16 | 13 | +3 | 25 |
| 8 | Girona | 18 | 7 | 4 | 7 | 26 | 25 | +1 | 25 |
| 9 | Real Betis | 18 | 6 | 7 | 5 | 21 | 22 | -1 | 25 |
| 10 | Osasuna | 18 | 6 | 7 | 5 | 23 | 27 | -4 | 25 |
| 11 | Celta Vigo | 18 | 7 | 3 | 8 | 27 | 28 | -1 | 24 |
| 12 | Rayo Vallecano | 18 | 5 | 7 | 6 | 20 | 21 | -1 | 22 |
| 13 | Las Palmas | 18 | 6 | 4 | 8 | 23 | 27 | -4 | 22 |
| 14 | Sevilla | 18 | 6 | 4 | 8 | 20 | 27 | -7 | 22 |
| 15 | Leganes | 18 | 4 | 6 | 8 | 17 | 28 | -11 | 18 |
| 16 | Alaves | 18 | 4 | 5 | 9 | 21 | 30 | -9 | 17 |
| 17 | Getafe | 18 | 3 | 7 | 8 | 11 | 15 | -4 | 16 |
| 18 | Espanyol | 18 | 4 | 3 | 11 | 16 | 30 | -14 | 15 |
| 19 | Valencia | 17 | 2 | 6 | 9 | 16 | 26 | -10 | 12 |
| 20 | Real Valladolid | 18 | 3 | 3 | 12 | 12 | 37 | -25 | 12 |
Icyo wamenya kuri uru rutonde
- Champions League: amakipe ane ya mbere abona itike ya Champions League.
- Europa League: ikipe ya gatanu ibona itike ya Europa League.
- Amakipe atatu ya nyuma ahita amanuka mu cyiciro cya kabiri .