RDF yatangije iperereza ryimbitse ku musirikare wayo akoze ibidukunze kuba mu Ngabo z’u Rwanda
Brig Gen Ronald Rwivanga usanzwe ari Umuvugizi w’Ingabo z’u Rwanda amaze gutangaza ko hari gukorwa iperereza ryihariye ku mpamvu zatumye umusirikare wazo wakoreraga mu Karere ka Nyamasheke yirara mu baturage bari mu kabari akabarasa ndetse akicamo abagera kuri batanu , gusa kuruhande rwe akavuga ko nta mpamvu n’imwe yagakwiye gutuma ibi bibaho.
Umuvugizi w’Ingabo z’u Rwanda, Brig Gen Ronald Rwivanga yabanje kwemeza ko nyuma y’aya marorerwa, uyu musirikare ukewaho gukora iki gikorwa yatawe muri yombi, kandi RDF yafashe ingamba zikwiye zo kumukurikirana mu nzira z’amategeko. ibi akaba yabivuze ubwo yaganiraga ku murungo wa telefone n’igitangazamakuru cya leta .
Brig Gen Ronald Rwivanga yanavuze ko hakiri gukorwa iperereza kugira ngo hamenyekane amakuru arambuye kuri iki gikorwa , yavuze ko bitaramenyekana niba yari ari mu kazi cyangwa yari muri gahunda ze bwite.
Aho yavuze ati : “Turacyabikurikirana kumenya impamvu zatumye arasa abaturage ariko turi bufate ingamba zifatika, gusa nubwo nta mpamvu nimwe yatuma arasa abantu. Turaza gufata ingamba zishoboka zose.
“Araza kubibazwa, ari mu maboko yacu, turaza kumenya gahunda zari zimujyanye muri ako kabari, ubu turacyabikurikirana.”
Kuri munsi nibwo inkuru y’uyu musirikare witwa Sergeant Minani Gervais w’imyaka 39 y’amavuko wari usanzwe ukorera akazi muri aka Karere ka Nyamasheke, w’imyaka 39 warashe abantu batanu bagapfa nibwo yamenyekanye.
Abaturage bo mu kagari ka Rusharara bavuga ko ibi byabereye mu isantere y’ubucuruzi ya Rubyiruko iherereye mu Mudugudu wa Kageyo, mu ma saa saba z’ijoro.
Imwe mu mpamvu yatumye Sergeant Minani Gervais w’imyaka 39 y’amavuko arasa abaturage ngo byatewe n’umujinya yagize nyuma yo guterana amagambo na nyiri akabari wamuhaye inzoga yamwishyuza undi ntiyishyure, bituma nyiri akabari agira ati «genda uzagwe mu ishyamba uzerera.»
Abaturage bavuga ko Sgt Minani yagize umujinya agasohoka akagaruka arasa abari mu kabari ariko uwo bateranye amagambo anyura mu idirishya ashobora gukiza ubuzima bwe.
Ubuyobozi bw’ ingabo z’u Rwanda bwatangaje ko bwamaze guhagarika Sgt Minani kugira ngo azagezwe imbere y’ubutabera, Ubuyobozi bw’ ingabo z’u Rwanda bukaba bwihanganishije imiryango n’inshuti babuze ababo.
