Rayon Sports yabonye umutoza mushya wungirije wo kuyifasha
Ikipe ya Rayon Sports yamaze gushyiraho Rwaka Claude nk’umutoza mushya wayo wungirije Umunya-Brazil Roberto Oliveira Gonçalves do Carmo “Robertinho” asimbuye Umunya-Tunisia, Quanane Selami.
Mu minsi ishize nibwo uyu Munya-Tunisia yasubiye iwabo nyuma yo kutumvikana na Rayon Sports ku bijyanye n’imishahara nk’uko amakuru yabivuze, aho iyi kipe yambara ubururu n’umweru yari imubereyemo imishahara yayishyuza ntiyamuhe ahitamo kwisubirira iwabo.
Ubuyobozi bwa Rayon Sports bwahisemo guha akazi Rwaka Claude wari usanzwe ari umutoza w’ikipe ya Rayon Sports y’abagore.
Mu minsi ishize uyu mutoza nawe yari yasezeye ku mirimo ye yo gutoza Rayon Sports y’abagore kubera nawe kumara igihe adaca iryera umushahara , yeguranye nabo bakoranaga bose.
Uyu mutoza afite umusaruro ntashidikanwa aho nko muri uyu mwaka yamaze kwegukana igikombe cya Shampiyona y’abagore, yegukanye Kandi igikombe cyo kwizihiza umunsi mpuzamahanga w’umugore itsinze Indahangarwa WFC ibitego bibiri ku busa(2-0) ndetse kuri ubu ari muri kimwe cya Kane cy’Igikombe cy’Amahoro cya 2024-2025.
Rwanda Premier League Table
1.Rayon Sports: 46
2.APR FC: 45
3.AS Kigali: 34
4.Gorilla FC: 33
5.Mukura VS: 33
6.Police FC: 32
7.Rutsiro FC: 32
8.Etincelles FC: 28
9.Gasogi United: 27
10.Muhazi United: 26
11.Amagaju FC: 26
12.Musanze FC: 25
13.Bugesera FC: 24
14.Marines FC: 23
15.Kiyovu Sports: 21
16.Vision FC: 16
IYI NKURU UYAKIRIYE UTE?