Rayon sports inyagiye Kiyovu sports bibi cyane ndetse inakuraho amateka mabi yari ifite imbere y’iyi kipe !
Ikipe ya Rayon Sports imaze kunyagira mukeba wayo kiyovu sports ibitego bine ku ubusa mu mukino w’umunsi wa munani wa Shampiyona waberaga kuri kuri Kigali Pelé Stadium .
Mbere yuko aba bakeba bacakirana Amanota umunani ni yo yari ikinyuranyo cy’amakipe yombi dore ko Kiyovu Sports yari ku mwanya wa nyuma n’amanota atatu mu mikino itandatu, Rayon Sports yo iza ku mwanya wa Kane n’amanota 11 mu mikino itanu imaze gukina.
Uyu mukino wari wasifuwe n’abarimo Ishimwe Claude bakunze kwita Cyucuri aho yafatanyaga n’umusifuzi wa mbere mpuzamahanga Ishimwe Didier mu gihe Maniragaba Valery ari we musifuzi wa kabiri wungriije mu gihe uwitwa Nshimiyimuremyi Abdallah ari we wari musifuzi wa kane kuri uyu mukino .
Rayon Sports yari yagaruye Nsabimana Aimable muri cumi n’umwe babanzamo umutoza Robertinho yatoranyije kuri uyu munsi barimo umuzamu Khadime Ndiaye , Serumogo ALi , Bugingo Hakim , Omar Gning ,Ndayishimiye Richard , Madjaliwa Aruna ,Muhire Kevin , Fall Ngagne , Iraguha Hadji na Elenga Junior .
Naho ku uruhande rwa kiyovu sports yari yabanjemo abarimo umuzamu Nzeyurwanda Djihad , Twahirwa Olivier , Hakizimana Felicien , Ndizeye Eric , Mbonyingabo Regis , Guy Kazindu , Nizeyimana Djuma , Gakuru Matata , Mugisha Desire na Cherif Bayo .
Umukino watangiye amakipe yombi asa nkaho ari kwigana gusa ukabona ako amahirwe menshi akomeye ubona yashoboraga kuba yavamo uburyo bw’igitego yagenda abonwa na ekipe ya Kiyovu sports gusa umunyezamu Khadime Ndiaye agakomeza kwigaragaza .
igice cya mbere cyarangiye ari ubusa ku ubusa ndetse igice cya kabiri Rayon sports ihita itangirana impinduka zirimo uwitwa Adama Bagayogo winjiye mu kibuga asimbuye Elanga Jr naho Omborenga Fitina yinjira asimbuye Serumogo Ali Omar .
Abakunzi ba Rayon sports bategereje ku munota wa 57′ kugirango Iraguha Hadji afate icyemezo, ace mu bakinnyi bo hagati ba Kiyovu Sports, atera umupira n’akaguru k’iburyo umunyezamu Djihad awukura mu nshundura, ahita yandika igitego cya Kiyovu sports .
ku munota wa 76′ Rayon Sports yahise iterekamo igitego cya kabiri cyatsinzwe na Adama Bagayogo wabonye umupira mu kibuga hagati, awuzamukana gato, ashyira mu izamu ishiti rikomeye, Nzeyurwanda Djihad awukuramo awihera Hadji Iraguha ahita awushyira mu nshundura.
Nyuma y’iminota ibiri n’amasegonda yonyine , Rayon Sports yabonye igitego cya gatatu nyuma yuko Fall Ngagne yungukiye mu guhagarara nabi k’ubwugarizi bwa Kiyovu Sports atsindira neza Gikundiro igitego cya gatatu.
Ku munota wa gatanu w’inyongera w’umukino , Murera yashyizemo igitego cy’agashyinguracumu nyuma yuko Adama Bagayogo atsinze igitego cyiza ku mupira yatereye inyuma y’urubuga rw’amahina ugakora ku mukinnyi wa Kiyovu Sports ukajya mu izamu .
Ikipe ya Rayon Sports itsinze Kiyovu Sports ibitego 4-0 ihita ifata umwanya wa kabiri muri Shampiyona. Ibitego byose byatsinzwe mu gice cya kabiri bitumye iyi kipe y’i Nyanza ishyira akadomo ku myaka hafi itanu yari imaze idatsinda mukeba Kiyovu Sports.
