Premier League: Manchester City yatsinzwe na Liverpool yuzuza umukino wa karindwi ntamanota atatu ibona
Mu mukino w’ishiraniro w’umunsi wa 13 wa shampiyon y’igihugu y’Abongereza , ikipe ya Liverpool yongeye kwisasira ikipe ya Manchester City , iyi kipe ya Pep Guardiola yuzuza imikino irindwi itabona amanota atatu imbumbe.
Aya makipe yombi yagiye gukina abura bamwe mu bakinnyi bayo bigenzi kubera imvune: Conor Bradley, Ibrahima Konaté, Alisson Becker, Diogo Jota, Kostas Tsimikas, Federico Chiesa(Liverpool), John Stones, Mateo Kovačić, Rodri, Oscar Bobb (Manchester City).
Gusa icyatunguranye n’uko Pep Guardiola yakoze impinduka muri 11 be aho yazanye Stefan Ortega yicaza Ederson Santana de Moraes, yicaza
Joško Gvardiol ndetse na Kevin De Bruyne amubanza hanze , mu gihe Joe Gomez ku ruhande rwa Liverpool yasimbuye Ibrahima Konaté wagize imvune ku mukino wa Real Madrid wa UEFA Champions League.
Kuva mu mwaka wa 2017 ni ubwambere byari bibayeho ko Liverpool na Manchester City z’ikina Ederson Santana de Moraes na Alisson Becker batabanje mu kibuga.
ku munota wa 12′ w’umukino Mohamed Salah yakiriye umupira mu ruhande rw’iburyo wari uvuye kwa Trent Alexander-Arnold nawe ahita uwutanga kwa Cody Gakpo ahita atsinda igitego cya mbere ku burangare bwa Rúben Dias na Kyle Walker.
Liverpool yakomeje kwataka bikomeye Manchester City , gusa abarimo Luis Díaz ndetse na Virgil van Dijk uburyo babonaga ntibabubyaje umusaruro, byanashyize akadomo ku gice cya mbere, Liverpool iri imbere n’igitego kimwe ku busa(1-0).
Mu gice cya Kabiri amakipe yombi yakoze impinduka mu rwego rwo kongera imbaraga byumwihariko ku ruhande rwa Manchester City, nyuma y’uko Mohamed Salah yari amaze guhusha igitego asigaranye n’umuzamu Stefan Ortega wari mu biti bitatu by’izamu rya Manchester City.
Ku munota wa 78′ w’umukino ikipe ya Liverpool yabonye penaliti ku ikosa Stefan Ortega yakoreye Luis Díaz nyuma yo gusigarana uwababiri yamucenga agahita ahitamo ku muraha amaguru , umusifuzi Chris Kavanagh ahita atanga penaliti yatewe neza na Mohamed Salah yandikisha igitego cya kabiri cya Liverpool nyuma yo guhusha iyo ku mukino wa Real Madrid.
Aha ikipe ya Liverpool yasabwaga kurinda ibya gezweho ndetse inabikora neza isoza umukino ku bitego bibiri ku busa(2-0) , ikomeza no gushimangira umwanya wa mbere na amanota 34 , mu gihe Manchester City ubu iri ku mwanya wa 5 na amanota 23.