Premier League : Bruno Fernandez yatangaje ko kunganya na Liverpool byabubatsemo ikizere
Kapiteni wa Manchester United witwa Bruno Fernandes yavuze ko niba Manchester United ishobora gukinira kuri Anfield ikahakura inota rimwe bibaha icyezere yuko no kubindi bindi bibuga bazitwara mu mikino isigaye y’igice cya kabiri cya shampiyona y’Ubwongereza [ premier league ].
Ibi Bruno Miguel Borges Fernandes yabitangaje nyuma yuko ikipe yari imaze iminsi irangwa n’umusaruro muke mu kibuga inganije ibitegi 2-2 n’ikipe ya Liverpool ku munsi wejo ku cyumweru.
Kapiteni wa united , Bruno Fernandes yabwiye Sky Sports ati: “Twanenzwe kenshi pe,gusa ariko kandi ntago wagaye abatunenga kuko babikoze mu buryo buboneye , Umwanya turiho ku rutonde rwa shampiyona urabyerekana byose . Twatakaje amanota menshi no muri iki gihe, ntidushobora kwishimira ko twanganije ko nitwe twari dukeneye gutsinda kubarusha [ Liverpool].
“ Twari dukeneye amanota kandi twashoboraga gutsinda uyu mukino urangiye, ariko nanone ntago ari umusaruro mubi cyane kuko amakipe yombi yakinnye umupira mwiza.”
Bruno yongeyeho ati: “Ndatunguwe rwose. Niba twerekanye uru rwego kuri Liverpool, iyoboye izindi muri shampiyona, kuki tudashobora kubikora ku bindi bibuga byose dusigaje kuzakiniraho ?. ”
Muri uyu mukino , Umuholandi Cody Gakpo yishyuye igitego cya Lisandro Martinez wari wafunguye amazamu ku ruhande rwa United mbere yuko Mohamed Salah aha Liverpool kuyobora umukino kuri penariti nyuma yuko uwitwa De Ligt akarabye umupira mu rubuga rw’amahina , ariko Amad Diallo ahita atsinda igitego cyo kunganya.
United yagombaga no kuba yatahanye amanota atatu imbumbe kuri uyu mukino wari ukomeye cyane nyuma yuko myugariro Harry Maguire yapfushije ubusa amahirwe yo gutsinda igitego cya gatatu mu minota ya nyuma bikarangira awuteye hejuru y’izamu .
