Premier League: Arsenal yujuje umukino wa Kane(4)idatsinda nyuma yo kunganya na Chelsea
Ikipe ya Chelsea yanganyije n’ikipe ya Arsenal igitego kimwe kuri kimwe(1-1) mu mukino w’umunsi wa 11 w’ashampiyona y’Igihugu y’Ubwongereza wabereye Stamford Bridge.
Ni umukino wabaye ikipe ya Arsenal imaze imikino itatu idatsinda muri Premier League aho yari yatakaje imbere ya A.F.C. Bournemouth ku bitego bibiri ku busa(2-0), uwo batakaje imbere ya Liverpool banganya ndetse nuwo batsinzwe na Newcastle United F.C. igitego kimwe ku busa(1-0).
Ni mu gihe Chelsea yo yari imaze iminsi yitwara neza dore ko baherukaga kunyagira FC Noah ibitego umunani ku busa(8-0) muri UEFA Conference League ndetse no muri shampiyona bari babashije kubona inota rimwe imbere ya Manchester United.
Ni umukino wari urimo guhangana gukomeye cyane Arsenal yari yongeye gukina umukino wayo dore ko byari bimaze iminsi byarananiranye bijyanye no kuba bamwe mu bakinnyi b’ingenzi bari baravunitse nka Martin Ødegaard ndetse nabandi.
Gusa Chelsea nayo yari nziza mu mukino, bose bari bafunguye, buri kipe ikanyuzamo ikataka gusa Arsenal irema uburyo bufatika imbere y’izamu.
Igice cya mbere cyarangiye amakipe yombi anganya ubusa ku busa (0-0), mu gice cya kabiri abatoza bombi haba Mikel Arteta ndetse na Enzo Maresca baje bakaniye n’inaho bakoze impinduka batsinda n’ibitego bibiri byose hamwe byagaragaye mu mukino.
Arsenal niyo yakibanje cyo ku munota wa 60′ w’umukino ku burangare bwa bamyugariro ba Chelsea, aho yafunze umupira ndetse yewe akanitonda agatera mu izamu.
Chelsea yakomeje kwataka cyane dore ko ari nziza muri byo maze ku munota wa 70′ Pedro Neto umusore bavanye muri Wolverhampton Wanderers ku mupira yarahawe neza na Enzo Fernandez wari ujemo asimbuye.
Iminota 90′ y’umukino ndetse niy’inyongera byose byarangiye amakipe anganyije igitego kimwe kuri kimwe(1-1).
Uyu munsi wa 11 w’ashampiyona y’igihugu y’Abongereza usize ikipe ya Arsenal iri ku mwanya wa kane na amanota 19, ikaba imaze imikino ine yuzuye ya premier league yikurikiranya idatsinda.
Mu gihe Chelsea ya Enzo Maresca yisanze ku mwanya wa gatatu nayo na amanota 19 ikaba izigamye ibitego 8 mu gihe Arsenal izigamye 6.