Pep Guardiola ntayindi kipe azongera gutoza naramuka atandukanye na Man city
Pep Guardiola yaraye atangaje ko Manchester City izaba ariyo ikipe ye ya nyuma atoje mu mwuga we w’ubutoza bw’amakipe y’umupira w’amaguru mbere yuko ashobora kujya gutoza amakipe y’ibihugu.
Uyu wahoze ari umutoza wa Barcelona na Bayern Munich yatwaye ibikombe 15 bikomeye kuva yatangira gutoza Man City mu 2016.
Uyu munya Espagne w’imyaka 53 yegerewe mu mpeshyi n’ubuyobozi bw’ishyirahamwe ry’umupira w’amaguru ry’ubwongereza ku kuba yaba umutoza w’Ubwongereza w’iyi kipe, ariko mu kwezi gushize yongeye kongera amasezerano n’imyaka ibiri na City kugeza mu 2027.
Aganira na Dani Garcia mu kiganiro cyatambutse kumuyoboro we wa YouTube, Guardiola ntiyerekanye igihe ashaka kuzavira muri Man city gusa ariko avuga ko atazasubira gutoza indi kipe y’umupira w’amaguru haba muri Premier League cyangwa ahandi ahariho hose.
Izindi nkuru wasoma
- Pep Guardiola ntayindi kipe azongera gutoza naramuka atandukanye na Man city
- Imigabo n’imigambi ya Brig.Gen.Karuretwa yinjiranye mu nshingano nshya yahawe
- Kigali : Polisi yataye muri yombi abasore bakoraga ubujura biyitirira WASAC
- Muhire Kevin yemeje ko ibyo yavuze kuri kapiteni wa Apr ari ibinyoma
- Hashyizweho icyemezo kigamije gufasha Abaturarwanda kurusaho kwishimira iminsi mikuru
Aho yagize ati: “Ntabwo ngiye gutoza indi kipe iyo ariyo yose .”
“Simvuze ku hazaza hange h’igihe kirekire, ariko icyo ntagiye gukora ni ukuva muri Manchester City, nkajya mu kindi gihugu, kandi nkakora ibintu ndigukora ubu.
“Ntabwo nagira imbaraga zo gutekereza gutangirira kubaka mpereye kuri zero ahandi,ndetse no kongera kubaka ibintu byange . Oya, oya, oya. Birashoboka ko natoza ikipe yigihugu, ariko ibyo bitandukanye no kongera gutoza indi kipe isanzwe .”
City yatsinze rimwe gusa kuva Guardiola yakongera amasezerano – nanone kandi batsinda inshuro imwe mu mikino icyenda kuva yatsinda Southampton ku ya 26 Ukwakira.
Iyo ntsinzi yaje ubwo yari iwayo ubwo yari yakiriye ikipe ya Nottingham Forest ku wa gatatu ushize, ariko ikurikirwa no kunganya ibitego 2-2 ubwo bahuraga na Crystal Palace mu mpera z’icyumweruu.
Ikipe ya Man city irasura Juventus muri Champions League kuri uyu wa gatatu ku isaha y’i saa yine , mbere yo kwakira Manchester United muri Premier League ku cyumweru (16:30) mu kizwi nka Manchester Derby.