Paper Talk[Rwanda&Africa]:Abakozi ba Kiyovu Sports bakomeje kugaruka mu kazi nubwo havugwamo ibibazo! Lamine Bah uheruka gusinyira APR FC ntakereje muri Olempike
Zira FK ya Mutsinzi Ange yabuze amahirwe yo gukomeza muri Europa League. Zira FK yo mu Cyiciro cya Mbere muri Azerbaijan ikinamo myugariro Mutsinzi Ange yatsinzwe na FC Sheriff yo muri Moldova penaliti 5-4, nyuma yo kunganya ibitego 2-2 mu mikino yombi yo mu ijonjora rya mbere mu yo gushaka itike y’amatsinda ya UEFA Europa League.(#Igihe)
Mahamadou Lamine Bah uheruka gusinyira APR FC ntakereje mu Mikino Olempike. Mahamadou Lamine Bah w’ikipe y’igihugu ya Mali mu batarengeje imyaka 23, ntakitabiriye imikino Olempike aho agiye guhita aza muri APR FC kwitegurana n’abandi umwaka w’imikino wa 2024-25
Lamine Bah yari mu bakinnyi 22 b’ikipe y’igihugu ya Mali igomba kwitabira Imikino Olempike irimo kubera mu Bufaransa.(#Isimbi)
Umutoza Roberto Oliveira Gonçalves do Carmo agiye kugaruka muri Rayon Sports. uyu mutoza yari amaze igihe mu biganiro na Murera gusa ikibazo kikaba amafaranga kuko we yacaga menshi ariko kuri ubu amakuru avuga ko bamaze kubyumvikanaho.(#Umuryango)
Umutoza wa Kiyovu Sports, Joslin Bipfubusa yagarutse mu Rwanda nyuma y’ibiruhuko yarimo iwabo i Burundi. Uyu mutoza uheruka kongera amasezerano y’igihe kirekire ndetse akagirwa ‘Manager’, biteganyijwe ko azatangiza imyitozo mu mpera z’iki cyumweru cyangwa ku wa Mbere tariki 22 Nyakanga 2024.(#Igihe)
Jamus FC Juba izahagararira Sudani y’Epfo mu irushanwa Nya-Afurika, CAF Confederation Cup iri kwitegurira iyi mikino mu Rwanda aho iri gukorera imyitozo kuri Stade ya Bugesera.n’inyuma y’uko no mu mwaka ushize w’imikino Nya-Africa hari andi amakipe yahisemo kwakirira imikino yayo mu Rwanda.(#RadioRwanda)
Musanze FC yongereye amasezerano y’imyaka ibiri Ntijyinama Patrick ‘Mbogamizi’, umunyezamu Ntaribi Stiven na Salomon Adeyinka. Ni mu gihe myugariro Muhire Anicet ‘Gasongo’ yongereye amasezerano y’imyaka itatu. n’inyuma yokwitwaraneza cyane mu mwaka ushize w’imikino aho yaje kumwanya wa gatatu na manota 53.(#Igihe)
Nyuma y’Imyaka 10 APR FC yongeye kugera kumukino wanyuma wa CECAFA Kagame Cup itanga ubutumwa kuri Azam bafitanye urubanza. ikipe y’Ingabo z’igihugu APR FC yabigezeho nyuma yogutsinda ikipe ya Al- Hilal Omdurman yomu gihugu cya Sudan Penaliti 5-4 umukino wabereye kuri KMC Stadium.(#DailyBox)