Paper Talk[Rwanda&Africa]: Taddeo Lwanga yavuze ko abatsindira Pyramids FC muri Misiri, Uwayezu Jean Fidèle yasigiye umwenda rayon sports wa miliyoni 400 Frw!
Tariki 13 Nzeri 2024, nibwo ubufatanye hagati ya Ubumwe Initiative n’Ikigo cy’Igihugu gishinzwe Ingufu (REG), binyuze mu ikipe yacyo y’umukino wa Basketball y’abagore bwashyizweho akadomo aho kuri ubu REG WBBC iri ukwayo ndetse n’Ubumwe BBC ikaba yarasubiye ku ivuko. (Kigali To Day)
Etincelles FC yanganyije na Police FC 0-0 mu mukino w’ikirarane cy’Umunsi wa Mbere wa Shampiyona byatumye ikipe ya Etincelles yuzuza amanota abiri kumwanya wa 12 mu gihe Police yujuje amanota ane kumwanya wa kane.(RwandaPremierLeague)
Uwayezu Jean Fidele wari umaze imyaka isaga 4 ayiyobora, yeguye ku wa Gatanu w’icyumweru gishize ku mpamvu z’uburwayi biravugwa ko yasigiye Rayon Sports umwenda wa miliyoni 400 Frw abereyemo abantu batandukanye . (Isimbi)
Abahoze mu buyobozi bwo hejuru mu Ikipe ya Rayon Sports kuri uyu wa Kabiri tariki 17 Nzeri 2024 bongeye guhura baganira ku buryo bwo kwishamo ibisubizo by’ibibazo uruhumbirajana iyi kipe imazemo igihe kirekire bigahumira ku mirari ubwo uwari Perezida wayo Uwayezu Jean Fidèle yeguraga.(#KGLNews)
REG WBBC yaguze Victoria Reynolds wamenyekanye cyane muri Kenya Ports Authority, mu rwego rwo kurushaho gukarishya ikipe mu Mikino ya Kamarampaka (betPawa Playoffs 2024) ndetse n’imikino ya nyuma ya Rwanda Cup.(Igihe)
Umugande ukinira APR FC, Taddeo Lwanga yavuze ko bishoboka gusezerera Pyramids FC bayitsindiye mu Misiri nyuma y’uko umukino ubanza muri iyi mikino ya CAF Champions League banganyije igitego kimwe ku busa(0-0) umukino wabereye muri sitade Amahoro. (Isimbi)
Perezida wa Gasogi United, Kakooza Nkuliza Charles yatangaje ko ataba ashaka guhura na Rayon Sports iri mu bihe bibi, ahamya ko azahorera APR FC kubera abafana ba Rayon Sports bahisemo gushyigikira FC Pyramids mu mukino wa CAF Champions League wabereye muri Stade Nationale Amahoro.(#KGLNews)
Ishyirahamwe rya Ruhago mu Rwanda (FERWAFA) ryatangaje ko Shampiyona y’Icyiciro cya Mbere mu Bagore umwa w’imikino wa 2024-2025 izatangira tariki 5 Ukwakira 2024.(Igihe)
APR FC yagize ibibazo mu rugendo rwa yo rujya mu Misiri gukina na Pyramids FC mu mukino wo kwishyura w’ijonjora rya kabiri rya Champions League mu guhatanira kujya ma matsinda, ni nyuma y’uko yatinze kubona Visa zerekeza muri iki gihugu. (Isimbi)
Abakinnyi icyenda batarimo abo mu cyiciro cy’abagabo (bakuru) ni bo bazahagararira u Rwanda muri Shampiyona y’Isi yo gusiganwa ku magare izabera i Zurich mu Busuwisi tariki ya 22-29 Nzeri 2024.(Igihe)
Ikipe ya Patriots BBC yatsinze amanota 61 kuri 49 ikipe ya APR BBC mu mukino wa kane wa Kamarampaka wa Shampiyona ya Basketball bisobanuye ko bazinjira mu mukino wa gatanu kubera ko ubu baranganya imikino ibiri kuri ibiri(2-2). (FERWABA)