Paper Talk[Rwanda&Africa]: Darko Nović umutoza wa APR FC icyo avuga kukujya mu matsinda , Azam iriguca umukinnyi $200,000 kugirango imurekure!
Umunya Zimbwabwe Prince Mpumelelo Dube ukinira ikipe ya Azam yo mu gihugu cya Tanzania ashobora gutandukana n’ayo gusa arasabwa kubanza kwishyura by’ibuze agera USD $200,000 kugirango Azam imurekure ya muhaye ajya gusinya amasezerano.(#Micky Jr)
Mu ijoro ryo kuwa Gatanu, ikipe ya Mukura VS yakiriye myugariro wo hagati Umunya-Ghana Abdul Jalilu wakiniraga ikipe ya Dreams FC y’iwabo yakinnye 1/2 cya CAF Confederation Cup anayibereye kapiteni, nk’umukinnyi wayo mushya.(#Kigali To Day)
Kugeza ubu Kiyovu Sports na Richard Bazombwa Kilongozi ntabwo barimo kumvikana ku buryo bagomba kugabana amafaranga Police FC izamugura, Kiyovu Sports yabwiye uyu mukinnyi ko niba yifuza miliyoni 15 yabwira Police ikishyura miliyoni 45 agafata 15 ze na Kiyovu igafata miliyoni 30 kuko ititeguye kujya munsi ya zo.(#Isimbi)
Ikipe ya APR FC na Police FC zigiye guhurira mu mukino wo gutaha ku mugaragaro Stade Amahoro,uteganyijwe kuwa 01 Nyakanga 2024, Umunyamabanga wa FERWAFA,Camarade yameje ko “Umukino uzahuza APR FC na Police FC saa 17H00” mu rwego rwo gutaha iyi stade.(#Umuryango)
Ikipe y’Ingabo z’Igihugu, APR FC yamaze guhabwa ubutumire mu murwa w’Ubucuruzi, Dar Es Salaam bwo kuzakina n’ikipe ya Simba SC ku munsi wayo ngarukamwaka wiswe Simba Day [2024] uteganyijwe taliki 3 Kanama 2024, n’inyuma y’uko APR FC ikomeje gusinyisha abakinnyi beza.(#IMFURAYACU Jean Luc)
Patriots BBC yatsinze Espoir BBC amanota 80-65, ikomeza kuba ikipe rukumbi itaratsindwa nyuma y’imikino 13 ndetse yicaye ku mwanya wa mbere muri Shampiyona ya Basketball.(#Igihe)
Umukinnyi wa mbere w’umunyamahanga mu bo APR FC yaguze uyu mwaka w’imikino, Richmond Lamptey ukomoka muri Ghana, yagaragaye mu mwambaro w’iyi kipe nyuma yo kuyisinyira amasezerano y’imyaka ibiri.(#Isimbi)
Umukinnyi mpuzamahanga w’Umunyarwanda, Hakim Sahabo usanzwe akinira Standard de Liège yo mu Bubiligi, arifuzwa bikomeye n’Ikipe ya Leicester City iherutse kuzamuka muri Shampiyona y’Icyiciro cya Mbere mu Bwongereza.(#KGLNews)
Umunya-Serbia Darko Nović wemejwe nk’Umutoza Mushya wa APR FC mu gihe cy’imyaka itatu iri imbere, yagaragaje ko kugira ngo iyi kipe ihatane ku ruhando mpuzamahanga bitakunda mu gihe cya vuba.(#Igihe)