Paper Talk[Europe]: Ruben Amorim yatangiye akazi yinjira mu rugamba rw’umukinnyi na Arsenal, Chelsea, Liverpool ndetse na City,ibya Neymar muri Inter Miami bihagaze bite?
Umutoza w’ikipe ya Inter Miami Gerardo Martino yavuze ko kuri ubu uko ibintu bihagaza gusinyisha Neymar kuva mu ikipe ya Al-Hilal muri Saudi-Pro League bidashoboka , nyuma y’ibihuha byinshi byavugaga ko uyu Munya-Brazil w’imyaka 32 ashobora kwerekeza muri iyi shampiyona y’igihugu ya Leta Zunze Ubumwe z’Abanyamerika “Major League Soccer”. (ESPN)
Tottenham Hotspur irashaka gusinyisha ndetse iyoboye ni isiganwa rya Mason Melia w’imyaka 17 y’amavuko akaba akinira ikipe ya St Patrick Athletic yo mu gihugu cya Ireland. (TeamTalk)
Umutoza w’ikipe ya Wolves Gary O’Neil afite imikino ibiri gusa yo kwisubiraho ku musaruro ugayitse ari kugira muri izi ntangiriro z’ashampiyona , dore ko kuri ubu iyi kipe iri ku mwanya wa 19 muri shampiyona y’Igihugu y’Abongereza “Premier League” .(Football Insider)
Ikipe ya Chelsea ntirashirwa kuko umutoza Enzo Maresca arashaka gusinyisha umusore w’imyaka 20 Patrick Dorgu, nubwo bishobora ku mugora bikaba byarangira uyu myugariro agumye mu ikipe ya Lecce muri shampiyona y’Igihugu y’Abataliyani “Italian Serie A”. (GiveMeSport)
Umutoza w’ikipe ya Arsenal Mikel Arteta arashaka gusinyisha umusore w’ikipe ya Bayern Munich Leroy Sane,28, uyu Mudage ukina nka mababa ntakibona umwanya uhagije wo gukina muri iyi kipe y’umutoza Vincent Jean Mpoy Kompany . (Christian Falk, Bild)
Ntakizere kigihari ndetse no ku bakinnyi b’ikipe ya Manchester United ko umutoza w’umusigire Ruud van Nistelrooy yaguma Old Trafford nyuma y’uko Ruben Amorim afashe iyi kipe kandi we akaba atakwemera kungiriza.(Sun)
The Gunners (Arsenal) ndetse na Southampton yose ni amakipe yifuza gusinyisha rutahizamu w’Umunya-Brazil gusa ukiri muto Luighi akaba afite imyaka 18, ukinira ikipe ya Palmeiras. (Nosso Palmeiras – in Portuguese)
Umwongereza akaba n’umunyabigwi wa Liverpool Steven Gerrard arasabwa kurwanira kuguma mu ikipe ya Al-Ettifaq atoza yo muri Saudi Pro League nyuma y’uko bivugwa ko naramuka akomeje kwitwara nabi yakwirukanwa . (Mail)
Ikipe ya Manchester United iri mu makipe atatu I Burayi ari kwifuza gusinyisha Umunya-Brazil Vinicius Jr, wa Real Madrid w’imyaka 24, bigasaba ubushobozi butari buke dore ko n’amakipe yo muri Saudi Arabia amutekereza . (Relevo, via TeamTalk)
Ukuri guhari kandi gushoboka nuko rutahizamu w’Umunya-Sweden Viktor Gyokeres ashobora gukurikira Ruben Amorim mu gihugu cy’Ubwongereza ni mu gihe ari kwifuzwa n’ikipe ya Arsenal. (TeamTalk)
Hatangiye rero gahunda yo kwibaza uzamwegukana dore ko Manchester United yabaye indikipe yo muri Premier League yiteguye guhangana na Arsenal, Chelsea, Liverpool ndetse na Manchester City mu rugamba rwa Gyokeres. (Florian Plettenberg, Sky Sports Germany)
Ruben Amorim arashaka kuza akaza akurikiwe na myugariro w’ikipe yatozaga ya Sporting Umunya-Ivory Coast w’imyaka 20 Ousmane Diomande, ushobora guhagarara igiciro cya £70m, aza muri Manchester United. (Sun)