Paper Talk [Europe]: Ruben Amorim muri Manchester United, Arsenal iri gushaka ibisubizo bishya ku murongo w’imbere wayo
Newcastle United ikomeje gutekereza gusinyisha Umunya-Cameroon wa Brentford Bryan Mbeumo, 25, mu isoko ry’igura n’igurisha ry’ukwezi kwa mbere 2024 , gusa iyi kipe ishobora kubangamirwa n’ubushobozi bw’amafaranga . (Telegraph – subscription required)
Gusa nanone ikipe ya Liverpool ndetse na Arsenal nazo ziri mu rugamba rwo gusinyisha uyu musore wa Brentford Bryan Mbeumo, ikipe ye iha agaciro ka £50m. (Newcastle Chronicle)
Manchester United birasa nkaho yamaze kwibikaho uwari umutoza wa Sporting akanaba Umunya-Portugal Ruben Amorim ku buryo ashobora no kuzaba ari ku mukino w’ashampiyona y’Igihugu y’Abongereza “Premier League” wa Chelsea kuri Old Trafford. (Times – subscription required)
Uyu mutoza naramuka atangajwe ku mugaragaro ngo agomba kuzamukana abakinnyi barimo Goncalo Inacio, 23, ukina mu mutima w’abamyugariro , Umwongereza Marcus Edwards, 25, akaba akina nk’amababa ndetse na Pedro Goncalves, 26. (Teamtalk)
Umutoza w’umusigire wa Manchester United Ruud van Nistelrooy biteganyijwe ko agomba guhita ayabangira ingata mu gihe icyari cyo cyose Ruben Amorim azaba ahageze. (Independent)
Manchester City byatekerezwaga ko yifuza gutwara Ruben Amorim gusa ntiyigeze ishyira muri gahunda uyu mugabo , ni mu gihe Pep Guardiola bizeye ko azabongerera amasezerano dore ko ayo afite azarangirana na tariki 30 Kamena, 2025 . (Mail)
West Ham United amahirwe menshi ntizabasha kugura abakinnyi bashya mu isoko rw’igura n’igurisha ry’ukwezi kwa mbere 2025. (Football Insider)
Umutoza w’ikipe ya Tottenham Hotspur Ange Postecoglou agiye gukomeza gukoresha Umudage Timo Werner, 28, nubwo iyi kipe iteganya kumurekura uyu mwaka w’imikino n’urangira . (GiveMeSport)
Umunya-Brazil wa Manchester United Antony wakoze amateka yo kuba umukinnyi wa kabiri waguzwe amafaranga menshi muri iyi kipe biteganyijwe ko agomba gusohoka muri uku kwezi kwa mbere cyangwa mu kwezi kwa gatandatu 2025, ku gihombo. (Talksport)
Ikipe ya Sporting kera kabaye yiteguye kugurisha Viktor Gyokeres rutahizamu wa yo hagati ya £50m ndetse na £58m mu mpeshyi izakuri kira, amakipe afite amahirwe yo ku mwegukana arimo Manchester City, Arsenal, Liverpool ndetse na Chelsea . (Florian Plettenberg)
Arsenal iri gukora ku mugambi wo kwibikaho Umudage Leroy Sane, 28, uri gusoza amasezerano ye mu ikipe ya Bayern Munich [azayasoza mu kwezi kwa Kamena 2025].(Football Insider)
Manchester United irasha kwibikaho myugariro w’ibumuso wa Bayern Munich Alphonso Davies akaba Umunya-Canada w’imyaka 23 , gusa we arashaka kwerekeza mu ikipe ya Real Madrid. (Sky Sports Switzerland, via Give Me Sport)