Paper Talk [Europe] : Alexander Isak muri Liverpool – i Burayi haramutse handikwa iki ?
1. Rutahizamu w’umunya – Suwede ukinira ikipe ya Newcastle w’imyaka 25 witwa Alexander Isak biravugwa ko nawe yifuza kwerekeza mu ikipe ya Liverpool iri ku mwanya wa mbere ku rutonde rw’agateganyo rwa shampiyono y’Ubwongereza [Premier League ] . [ TEAM TALK ]
2.Itsinda ry’amakipe arimo Tottenham , Newcastle na AFC Bournemouth biravugwa ko yose ari kwifuza gusinyisha rutahizamu ukomoka muri Brazil w’ikipe ya Feynoord witwa Igor Paixao . [ SUN ]
3. Manchester United iri kwifuza kugura rutahizamu Liam Delap w’ikipe Ipswich Town w’imyaka 22 unakina mu ikipe y’igihugu y’abato y’Ubwongereza . [ THE ATHELETIC ]
4.Benjamin Sesko w’imyaka 21 ukinira ikipe ya Leipzig na Alexander Isak w’ikipe ya Newcastle nibo bayoboye urutonde rw ‘abarutahizamu ikipe ya Arsenal iri kwifuza gusinyisha muri uyu mwaka w’imikino . [ FOOTBALL LONDON ]
5.Ikipe ya Crystal palace yamaze gushyiraho igiciro cyiri hagati ya miliyoni 40 na 50 z’amayero ku ikipe yose yaba yifuza kugura rutahizamu wayo w’imyaka 27 ukomoka mu bufaransa witwa Jean Phillipe Mateta . [ FOOTBALL INSIDER ]
6. Ikipe ya Inter Milan igiye kongerera amasezerano rutahizamu wayo w’umufaransa witwa Marcus Thuram w’imyaka 27 ndetse agaciro ke kazahita kazamuka kagere kuri miliyoni 75 z’amayero ku ikipe yakwifuza kumugura . [ CALCIOMERCATO ]
7.Ikipe ya Bournemouth ko yatangiye kugirana ibiganiro bigamije kongerera amasezerano umutoza wayo witwa Andoni Iraola uri kwinjira mu mwaka we wa nyuma w’amasezerano ye muri ikipe . [ DAILY MAIL ]