Olusegun Obasanjo wahoze ari perezida wa Nijeriya amaze kugera i Kigali mu irahira rya Perezida Kagame
Uwahoze ari Perezida wa Nijeriya, Olusegun Obasanjo, yageze i Kigali muri iki gitondo kugira ngo yitabe umuhango wo kurahira kwa perezida Paul Kagame.
uyu aje yiyongera ku banyacyubahiro barimo ,Umugaba Mukuru w’Ingabo za Uganda, Gen Muhoozi Kainerugaba, wamaze kugera i Kigali aho yitabiriye umuhango w’irahira rya Perezida Paul Kagame uteganyijwe kuri iki cyumweru.
ndetse na Perezida wa Sudani y’Epfo, Salva Kiir Mayardit, nawe uri mu bakuru b’ibihugu ndetse n’abandi banyacyubahiro ba mbere bageze i Kigali aho bitabiriye irahira rya Perezida Paul Kagame, riba kuri iki Cyumweru tariki 11 Kanama 2024.
Abakuru b’ibihugu n’aba za Guverinoma barenga 20 ni bo biteganyijwe ko bazitabira umuhango w’irahira rya Perezida Kagame uzabera kuri Stade Amahoro kuri iki cyumweru.
Perezida Paul Kagame ararahirira kongera kuyobora u Rwanda muri manda y’imyaka itanu kuri iki Cyumweru tariki 11 Kanama 2024 nyuma yo gutsinda amatora yabaye tariki 14 na 15 Nyakanga 2024, ku majwi 99.18%.Ni umuhango utegerejwe na benshi kuko Abanyarwanda bamugaragarije ko bishimiye kongera kuyoborwa na we kugira ngo akomeze abagezeho iterambere rirambye.
Ibi birori bibera muri Stade Amahoro biritabirwa n’abayobozi ndetse n’abanyacyubahiro batandukanye baturutse ku migabane itandukanye ndetse n’Abanyarwanda b’ingeri zose n’inshuti z’u Rwanda.
