Nyuma y’urugendo rudasanzwe yagize ; Andres Iniesta yasezeye burundu kuri ruhago
Uwahoze ari umukinnyi wo hagati wa Barcelona na Espagne Andres Iniesta yatangaje ku mugaragaro ko asezeye mu mupira wamaguru. Ibi yabitangaje abinyujije kuri konte ye ya Instagram.
Mubuzima bwe buhebuje, Iniesta yamaze igihe kinini muri Barcelona, aho yakinnye imikino 723 itangaje kandi ku rwego rwo hejuru , harimo niy’ikipe yabigenewe. Yatangiye uyu mwuga wo guconga ruhago mu Kwakira 2002 ubwo yagaragara bwa mbere mu mateka mu mukino wo mu matsinda ya Champions League wahuzaga Barcelona na Club Brugge, byaje no kurangira iyitsinze igitego 1-0.
Byongeyeho kandi, Iniesta yakinnye imikino 134 mu Buyapani muri ekipe ya Vissel Kobe naho Ikipe ye ya nyuma yanyuzemo yari Emirates muri UAE Pro League, aho uyu musore wimyaka 40 ashoreje umwuga we.
Hamwe n’ikipe y’igihugu ya Espagne, Iniesta yegukanye igikombe cya Shampiyona y’Uburayi inshuro ebyiri [ EURO] (2008 na 2012) ndetse n’igikombe cyisi cya FIFA mu 2010. Yakusanyije ibikombe 32 bitangaje hamwe na Barcelona, harimo ibikombe 9 bya La Liga ndetse n’ibikombe 4 bya UEFA Champion League.