Nyuma y’Imyaka 10 APR FC yongeye kugera kumukino wanyuma wa CECAFA Kagame Cup itanga ubutumwa kuri Azam bafitanye urubanza!
Ikipe y’Ingabo z’igihugu APR FC imaze kugera kumukino wanyuma wa CECAFA nyuma yogutsinda kuri za penaliti Al- Hilal Omdurman 5-4 umukino wabereye kuri KMC Stadium.
Kuri uyu wa gatanu n’ibwo ikipe y’ingabo z’igihugu APR FC yagombaga kwisobanura n’ikipe ya Al- Hilal Omdurman yo muri Sudani y’umutoza Florent Ibengé akaba ari n’umukino wagombaga gutanga itike y’umukino w’anyuma wa CECAFA Kagame Cup 2024 ariko nanone bikaba ikizamini gikomeye kumutoza mushya w’Ikipe ya APR FC Umunya-Serbia Darko Novic.
Umunya-Serbia Darko Novic utoza APR FC yari yahisemo gukinisha,
Umunyezamu Pavelh Ndzila; Niyigena Clément, Nshimiyimana Yunusu, Byiringiro Gilbert na Kapiteni Niyomugabo Claude mu bwugarizi; abakina hagati mu kibuga, Ruboneka Jean Bosco ,Niyibizi Ramadhan , Seidu Dauda Yussif. Dushimimana Olivier “Muzungu”, Mugisha Gilbert na Victor Mbaoma bari bayoboye ubusatirizi bw’Ikipe y’Ingabo z’Igihugu.
N’umukino wari uryoheye ijisho cyane dore ko byagaragaraga ko amakipe yombi anganya imbaraga muburyo bwose kandi yose agerageza gukora uburyo bwinshi bwo kubona igitego ariko haba kuruhande rwa Al- Hilal Omdurman yo muri Sudani na APR FC zose ntizagira amahirwe yokubona uburyo bw’igitego mu gihe kingana n’iminota 90 y’umukino.
Hahise hitabazwa iminota 30 y’inyongera kugirango hamenyekane ikipe igomba gukina umukino wanyuma kumunsi wo kucyumweru aho byarangiye ikipe ya APR FC ikuyemo Al- Hilal Omdurman kuri penaliti 5-4, bisobanuye ko penaliti zose zikipe y’Ingabo z’igihugu zinjiye.
Ni umukino wagiye ubamo guhindagurika cyane mbere y’uko uba aho kwikubitiro wari kubera kuri Azam Complex ariko uzakwimurirwa kuri KMC Stadium kubera ko kugera kuri Azam Complex aho yubatse byari kugora abarikuza kureba umupira aho no kwinjira byari ubuntu, sibyo gusa kuko habayemo no guhindura amasaha umukino wagombaga kuberaho wavuye Saa Kumi(Saa Cyenda za Kigali) ujya Saa Cyenda(Saa Munani za Kigali)
APR FC ikuyemo iy’ikipe yomuri Sudan itariyarigeze itakaza umukino numwe muri iy’imikino kuva yatangira, APR FC kandi yaherukaga kumukino wanyuma wa CECAFA Kagame Cup mu mwaka 2014 ubwo yatsindwaga kumukino wanyuma n’ikipe ya Al-Merrikh yomuri Sudan igitego kimwe kubusa n’imikino yari yabereye mu Rwanda.
Twibukiranye ko irirushanwa riterwa inkunga n’umukuru w’igihugu cy’Urwanda Paul Kagame, ikipe yegukanye igikombe ihabwa agera $30,000, iyageze kumukino wanyuma igahabwa $20,000 mu gihe iyatwaye umwanya wa gatatu yegukana $10,000.