Niki kihishe inyuma y\’umushinga wa Israel w\’agahenge mu ntambara hagati yayo n\’abarwanyi ba Hamasi?

Israel yatangaje umushinga mushya w\’agahenge ukubiyemo ibice bitatu by\’ingenzi birimo gukura ingabo zayo mu duce dutuwe twa Gaza , gufungura infungwa z\’intambara ndetse no kureka imodoka zitambutsa ibiribwa n\’ibindi bigoboka abagizweho ingaruka n\’intambara.

Ibi bije abenshi batabyiteze cyane ko Benjamin Netanyahu minisitiri w\’intebe wa Israel yahoraga atsindagira ko ingabo ze zigomba kuva muri Gaza zimaze gukuraho Burundu ingabo za Hamasi zayigabyeho igitero mu kwakira 2023.

Ni imwe mu nkuru zakiriwe neza n\’abakurikirana politiki ya Israel na Palestine, ku ibitiro perezida wa Leta Zunze ubumwe z\’Amerika Joe Biden yahise agira icyo asaba Hamasi ko ntayandi mananiza igomba kwemera uwo mushinga w\’agahenge unafatwa nk\’uwaba iherezo ry\’iyi ntambara.

Amerika ni kimwe mu bihugu bifite ijambo rikomeye kuri iyi ntambara yo muri aka gace k\’uburasizazuba bw\’isi kuburyo nayo ifite uruhare rudasanzwe mu gutuma intambara ihagarara.

Umunyamabanga wa Leta muri Amerika Antony J Blinken nawe mu kunga mu ry\’umuyobozi we Joe Biden, yavuze ko kigomba kuba igisubizo cyiza kuri Hamasi ndetse ikanagaragaza ubushake muri uwo mushinga.Amerika yaboneyeho gusaba Benjamin Netanyahu ko yashyiraho umurongo w\’amasezerano I Washington.

Abayobozi bombi bakomeje gushishikariza ibihugu byo mu burasizazuba bisanzwe bifitanye umubano na Palestine kwereka Hamasi urugendo rw\’ubwumvikane ku murongo watanzwe na Israel imaze iminsi ishegesha agace ka Rhafa.

Politiki ya Amerika ifite igisobanuro kuri iyi ntambara mu buryo benshi bemeza ko Bwana Biden yaharaniye ubwumvikane kugira ngo azabashe no guhagarara neza mu matora y\’umukuru wa Leta Zunze ubumwe z\’Amerika ateganijwe mu mezi ari imbere.

Iyi ntambara hagati ya Israel na Hamasi yatangiye mu kwezi kwa cumi umwaka ushize ubwo abarwanyi ba Hamasi bagabye ibitero ku butaka bwa Israel bigahitana abantu bagera ku 1,200 abarenga 252 bafatwa bugwate n\’ingabo za Israel. Kugeza ubu abarenga 36000 nibo bamaze guhitanwa n\’iyi nayo nk\’uko inzego z\’ubuzima muri Ghaza zibitangaza.